�Gəncə işi� üzrə prosesdə mütəhimlər və vəkillər hakimin davranışına etiraz ediblər
Bakı/16.07.19/Turan: 2018-ci ilin Gəncə hadisələri üzrə ittiham olunan digər qrupun işi üzrə məhkəmə prosesində hakim və vəkillər arasında qalmaqal yaranıb.
Şahin Verdiyevin vəkili Zibeydə Sadıqova bildirib ki, müttəhimin müdafiəsinə bir ay əvvəl qoşulub. Onun sözlərinə görə, əvvəlki vəkil proses zamanı Ş.Verdiyevin hüquqlarını müdafiə etməyib.
Müttəhim deyib ki, işgəncə altında etirafedici ifadələr verib.
Vəkil Ş.Verdiyevin və digər 7 müttəhimin işgəncə barədə bəyanatını məhkəməyə təqdim edib.
Buna cavab olaraq hakim Dadaş İmanov deyib: "Sizə kim ixtiyar verib ki, bunları bura qoyasınız (bəyanatı işə əlavə etmək)? Mən sizi işdən kənarlaşdıracağam, əlavə etdiyiniz bu yazıları da aidiyyəti orqanlara göndərəcəyəm".
Hakim eyni iş üzrə vəkil Əziz Qəmbərovun vəsatətini də rədd edib və onu əsas gətirib ki, həmin vəsatətdə təqsirləndirilən şəxsləri "qabaqcadan əlbir olan bir qrup şəxs" kimi yazmaq onların vəziyyətini ağırlaşdırıb.
İradı qəbul etməyən müdafiəçi ittiham aktında yazılanları hakimə göstərsə də, onun fikri dəyişməyib. Hakim belə cavab verib: "Mən sizin barənizdə Vəkillər Kollegiyasının rəhbərliyinə müraciət edəcəyəm".
Hakimin hərəkəti müttəhimlərin və vəkillərin hiddətinə səbəb olub. Onlar bildiriblər ki, bir neçə iclasdır ki, müdafiə tərəfinin vəsatətləri rədd edilir.
Vəkil Şəhla Hümbətova hakimin uzaqlaşdırılmasından ötrü verilən yazılı etirazı səsləndirib.
O bildirib ki, hakim vəkillərlə çox kobud davranır, təqsirləndirilən şəxsləri məhkəmə zalından, müdafiəçiləri isə prosesdən uzaqlaşdırmaqla hədələyir, sayğısız davranır.
Dadaş İmanov, Məhəmməd Bağırov və Nural Əliyevdən ibarət hakimlər heyəti bir neçə dəqiqəlik müşavirədən sonra etirazın baxılmamış saxlandığını bildiriblər.
Bundan sonra vəkillər bütün hakim tərkibinə etiraz verərək bildiriblər ki, qanunun tələbinə görə, D.İmanova etiraza onun özü baxa bilməzdi və digər iki hakim müşavirəyə edərək qərarı elan etməliydi.
Hakimlər kollegiyasına verilən etiraz da baxılmamış saxlanılıb.
* 2018-ci il iyulun 3-də Gəncədə şəhərin o zamankı rəhbəri Elmar Vəliyevə qarşı sui-qəsd törədilib. Əslən Gəncədən olan Yunis Səfərov onu və onun cangüdənini yaralayıb.
Bundan sonra sosial şəbəkələrdə iyulun 10-na Gəncə administrasiyasının qarşısında E.Vəliyevin işinə etiraz olaraq aksiya təyin edilib.
İyulun 10-da axşam DİN Gəncədə iğtişaşlar barədə məlumat yayıb. Hadisələr zamanı iki polis əməkdaşı öldürülüb. Bunun ardınca dindarlar arasında kütləvi həbslər baş verib. 60-a yaxın adam cinayət məsuliyyətinə cəlb edilib. Silahlı müqavimət zamanı 6 nəfər öldürülüb.
Martın əvvəlində ümumi sayı 14 nəfərdən ibarət iki qrupun barəsində hökm çıxarılıb. Onlar kütləvi iğtişaşlarda iştirakda və polis əməkdaşlarına qarşı zorakılığın tətbiqində ittiham olunaraq 5 ildən 8 ilədək azadlıqdan məhrum ediliblər. -05B06-
-
- Maliyyə
- 16 İyul 2019 14:19
Cəmiyyət
-
İctimai fəal Elmir Abbasov mayın 7-də Bakı Şəhər Baş Polis İdarəsində "Abzas Media" işi üzrə ifadə verib. Bu barədə onun özü məlumat verib. Onun sözlərinə görə, ona verilən müəyyən sualları cavablandırıb.
-
Azərbaycanın lider telekommunikasiya şirkəti Azercell 2023-cü il üzrə ESG (ekologiya, sosial və idarəetmə) hesabatını təqdim edir Azercell media nümayəndələri və aidiyyatı tərəfdaşlar üçün təşkil etdiyi “Davamlı bağlantı üçün dayanıqlı inkişaf: Azercell-in illik ESG hesabatının təqdimatı” adlı tədbirində Dayanıqlılıq hesabatını ictimaiyyətə açıqladı.
-
Sumqayıt şəhər "Evdə" fərdi təhsil məktəbində yol verilən qanunsuzluqlarla bağlı vətəndaş müraciəti əsasında şəhər prokurorluğunda araşdırma aparılıb. Bu barədə Baş Prokurorluğun yaydığı məlumatda deyilir.
-
Mayın 10-da Qazaxıstanın Almatı şəhərində Azərbaycan və Ermənistan xarici işlər nazirlərinin görüşü gözlənir. Azərbaycan tərəfi görüşün gündəliyini, hələlik, açıqlamayıb. Amma Ermənistanın Xarici İşlər Nazirliyindən (XİN) yerli mediaya bildirilib ki, gündəliyə tərəflərin öhdəliklərinin təsdiqi, eləcə də regional nəqliyyat infrastrukturu və ticarət marşrutlarının bərpası ilə bağlı məsələlər daxil edilib.
Parlament seçkilərinin önə çəkilməsinin əsl səbəb və məqsədləri nə ola bilər? – Mirəli Hüseynov Çətin sualda
Xəbər lenti
-
- Cəmiyyət,
- 15:07
- 292
Rəy yaz