Bakı/31.03.22/Turan: Gəncə Ağır Cinayətlər Məhkəməsində böyük ölçüdə narkotik vasitənin qanunsuz dövriyyəsində ittiham olunan Xalq Cəbhəsi Partiyasının üzvü Şahin Hacıyevin işi üzrə proses başa çatıb.
Martın 31-də o, son sözlə çıxış edib, təqsirsiz olduğunu, cinayət işinin saxtalaşdırıldığını bildirib.
"İşdə yazılıb ki, mənim evimdəki şkafda narkotik aşkar edilib. Əslində isə oradan mənim noutbukumu götürüblər", deyə Hacıyev bildirib.
O, saxlanıldıqdan sonra etirafedici ifadə verməsi məqsədilə işgəncələrə məruz qoyulduğunu deyib.
Hacıyevin vəkili Zabil Qəhrəmanov qeyd edib ki, Gəncə İstintaq Təcridxanasında onun bədənində zorakılıq izləri qeydə alınıb. Amma prokurorluq cinayət işi açmaqdan imtina edib.
Vəkil həmçinin məhkəmə istintaqının Hacıyevin təqsirini sübuta yetirmədiyini qeyd edib və müxalifətçiyə bəraət verilməsini xahiş edib.
Amma məhkəmə onu 6 il müddətinə azadlıqdan məhrum edib. Prokuror 7,5 il həbs cəzası istəmişdi.
Müdafiə tərəfi hökmlə razı deyil və apellyasiya şikayəti vermək niyyətindədir.
Hacıyev 26 noyabr 2021-ci il tarixində saxlanılıb və polis ona qarşı CM-in 234.4.3-cü (böyük ölçüdə narkotik vasitələrin qanunsuz dövriyyəsi) maddəsi ilə ittiham irəli sürüb.
AXCP-dən bildiriblər ki, fəal siyasi motivlərlə təqib olunur.
Hüquq müdafiəçiləri Hacıyevi siyasi məhbus kimi tanıyıblar. –06В-
Cəmiyyət
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
Rəy yaz