Bakı/05.01.18/Turan: Bakıda yolların çökməsi tikintinin keyfiyyətindən daha çox qrunt suları ilə bağlıdır. Bu fikri Ekologiya və Təbii Sərvətlər Nazirliyi (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov bildirib.
Konkret Nobel prospektində bu günlərdə baş vermiş yol çökməsilə bağlı Ə.Qaralov deyib ki, həmin yerdə 2017-ci ildə və 2018-ci ilin son aylarında iki dəfə çökmə baş verib.
"Bir səbəb budur ki, həmin yerdən böyük kollektor xətti keçir. Kollektordan sızmalar mümkündür. Daha bir səbəb budur ki, insan amili önə keçib, yəni, paytaxtda insanlar çoxalır, hündürmərtəbəli evlər artır, bu evlərə su verilir, amma tullantı suların axını üçün kanalizasiya suları yoxdur. Hərə həyətində bir quyu qazdırıb, tullantı suları ora tökür. Beləliklə qrunt suları artır və özünə çıxmağa yol axtarır. Harada boşluq varsa orada özünə yer edir", ekspert belə hesab edir. -05B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz