Bakı/05.01.18/Turan: "Müsəlman Birliyi" hərəkatının sədri, həbsdə olan ilahiyyatçı Tale Bağırzadənin yaxınları ona qarşı təxribat ola biləcəyindən narahatdırlar. Bu barədə AzadlıqRadiosu-na onun ailə üzvləri danışıblar.
Onlar bildiriblər ki, Tale Bağırzadə özü ailəsilə telefon əlaqəsi saxlayıb və saxlandığı Qobustan həbsxanasında ona qarşı təxribat cəhdləri olduğunu söyləyib.
Taleyin üzərində xəsarət var. Telefon danışığında səs tez-tez kəsildiyinə görə doğmaları nə baş verdiyini - onun döyüldüyünü, yoxsa öz-özünə xəsarət yetirdiyini anlaya bilməyiblər, deyə ailə üzvlərindən biri bildirib.
"İstisna etmirik ki, Tale ilə bağlı xoşagəlməz plan ola bilər. Gələcəkdə bunu əllərində əsas götürə bilərlər ki, baxın, bundan əvvəl də özünə xəsarət yetirmişdi", deyə adının açıqlanmasını istəməyən ailə üzvü bildirib.
Öz növbəsində, Penitensiar Xidmətin İctimaiyyətlə Əlaqələr şöbəsinin rəhbəri Mehman Sadıqov Bağırzadəyə təzyiq barədə iddiaları təkzib edib.
"Bağırzadəyə qarşı heç bir təzyiq, təqib yoxdur. Ona heç bir xəsarət də yetirilməyib. Bu günlər ərzində ona heç töhmət də verilməyib. Başını aşağı salıb cəzasını çəksin, onunla heç kimin işi yoxdur", deyə Sadıqov bildirib.
Bağırzadə 2015-ci il Nardaran hadisələri ilə əlaqədar həbs edilib və konstitusiya quruluşunu zorla dəyişdirmək cəhdi, terrorizm və digər ağır cinayətlərin törəilməsi ittihamı ilə 20 il müddətinə azadlıqdan məhrum edilib. -06D-
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz