Bakı/12.01.18/Turan: Bakı gömrüyü bir ton yarıma yaxın nərə balığının qaçaq yolla ölkəyə gətirilməsinin qarşısını alıb, bu barədə Gömrük Komitəsinin mətbuat xidmətinin yanvarın 12-də yaydığı məlumatda deyilir.
Qaçaq mal Aktau limanından Bakıya "Merkuri-1" gəmisində qayıdan Azərbaycan vətəndaşı Ramin Məmmədovun idarə etdiyi Kamaz yük maşınında aşkar edilib.
Gizlədilmiş nərə balıqları Bakı Dəniz Limanında baxış zamanı aşkar edilib. Faktla bağlı istintaq başlayıb.
Qeyd edək ki, nərə balıqları Qırmızı Kitaba daxil edilib və onların tutulması beynəlxalq konvensiyalarla qadağan edilib və milli normalarla ciddi şəkildə nizamlanır. Bununla belə, Bakının və digər Xəzəryanı ölkələrin bazarları brakonyer nərələri və qara kürü ilə doludur. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz