Avqustun 14-də azərbaycanlı gömrükçülər Tacikistan vətəndaşı Muxameddin İsmayılovun idarə etdiyi “DAF” markalı yük maşınında 141 kiloqramdan çox heroin aşkar ediblər.
Yük maşını İrandan Astara gömrüyünə gəlib. Nəqliyyat vasitəsinə baxış zamanı avtomobilin döşəməsindəki gizli saxlanc yerində narkotik maddə aşkar edilib. Bu barədə Dövlət Gömrük Komitəsinin mətbuat xidməti məlumat verib.
Sürücü bildirib ki, Azərbaycandan keçməklə Gürcüstana, oradan isə Ukraynaya getmək istəyib.
Faktla bağlı araşdırma aparılır.
Bu, Azərbaycan ərazisindən böyük miqdarda narkotik vasitənin keçirilməsi ilə bağlı ilk hal deyil.
Ən böyük qalmaqal 2014-cü ildə olub. Azərbaycandan Gürcüstana gedən yük maşınında 3 tona yaxın heroin aşkar edilmişdi. Yüz milyonlarla dəyəri olan mal Türkiyə, oradan da Avropaya aparılırmış.
Azərbaycan DİN-in məlumatına görə, bu il 600 kiloqramdan çox müxtəlif növ narkotik maddə aşkar edilərək götürülüb.-16D-
Cəmiyyət
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
Rəy yaz