Gov.az domenində fasilənin səbəbləri açıqlanmayıb (yenilənib)

Bir saatlıq fasilədən sonra Azərbaycanın bütün dövlət müəssisələrinin hostinqi olan gov.az internet domenin işi bərpa edilib.

Fasilə saat 15-də qeydə alınıb. Rabitə nazirinin qəbul otağından Turan agentliyinə fasilənin səbəbini izah edə bilməyiblər. Nazirin qəbul otağında oturan əməkdaş belə deyib: "Görünür, hansısa texniki problem olub". -03B-

* * *

2018 Sentyabr 25 (Çərşənbə axşamı) 16:12:22

Gov.az internet domenində fasilə

Bakı/25.09.18/Turan: Sentyabrın 25-də saat 15 radələrində Azərbaycanın bütün dövlət müəssisələrinin hostinqi olan gov.az internet-domenində fasilə yaranıb.

Turan agentliyinin sorğusuna cavab olaraq Rabitə və İnformasiya Texnologiyaları Nazirliyindən fasilənin səbəbinin onlara məlum olmadığını bildiriblər və dövlət müəssisələrinin elektron resurslarının təhlükəsizliyini təmin edən Xüsusi Dövlət Mühafizəsi Xidmətinə müraciət etməyi tövsiyə ediblər. Amma bu idarədən şərh almaq mümkün olmayıb.

İnternet sahəsində ekspertlər də hələlik nə baş verdiyini bilmirlər və rəsmi şərh gözləyirlər.

Qeyd edək ki, sonuncu dəfə bu cür fasilə 2015-ci ildə, İnternet inhisarçısı olan "Delta Telekom" şirkətində yanğın baş verdiyi zaman olmuşdu. Həmin vaxt ölkənin böyük hissəsi 10-12 saat İnternetdən məhrum qalmışdı. -02B-