Taleh Xasməmmədov
Bakı/19.04.18/Turan: Aprelin 19-da Göyçay rayonunda hüquq müdafiəçisi Taleh Xasməmmədov saxlanılıb, bu barədə Turan-a hüquq müdafiəçisi Oqtay Gülalıyev bildirib.
Onun sözlərinə görə, səhər saat 11.00 radələrində polis əməkdaşları onun idarə etdiyi avtomobili cəriməsi olması bəhanəsilə saxlayıblar. Onu polis bölməsinə aparıblar, orada polisə müqavimət göstərmə və xuliqanlıq haqqında protokolu imzalamağa məcbur ediblər.
Gülalıyev ona qarşı cinayət işi açılması ehtimalını istisna etməyib.
DİN-in məlumatına görə isə, polis əməkdaşları yol hərəkəti qaydalarını pozan BMW avtomobilini saxlayıblar. Yoxlama zamanı maşının üzərinə həbs qoyulduğu müəyyən olunub və avtomobil dayanacağa göndərilib. Xasməmmədov yerli yol polisi rəisinin kabinetinə gələrək, avtomobilin buraxılmasını tələb edib.
Ona cəriməni ödəməli olduğu bildirilib. Amma Xasməmmədov "daha da aqressivləşib, xidməti otaqda öz xuliqanlıq hərəkətlərini davam etdirib, oradakı əşyaları dağıdaraq yararsız hala salıb, onu sakitləşdirmək istəyən 3 polis əməkdaşına isə xəsarət yetirib və onlardan biri dərhal rayon xəstəxanasına yerləşdirilib", deyə DİN iddia edir.
Xasməmmədov saxlanılıb, faktla bağlı Göyçay rayon polisi tərəfindən araşdırma aparılır.
Xatırladaq ki, Xasməmmədov iki dəfə - 2011 və 2015-ci illərdə xuliqanlıq ittihamı ilə məhkum edilib, hər ikisində bir il sonra əfv olunub. Hüquq müdafiə təşkilatları onu siyasi məhbus kimi tanıyıblar.
Fəalın anası Gülbuta Xasməmmədova bildirib ki, oğlu onurğa yırtığından əziyyət çəkir və heç cür polisə müqavimət göstərə, xüsusən, onlara bədən xəsarəti yetirə bilməzdi. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz