Açiq mənbələrdən foto.
Bakı/06.06.23/Turan: İyunun 6-da günorta Bəxtiyar Hacıyevin Bakıdakı mənzilində, həmçinin valideynlərinin Gəncədəki və qardaşının Göygöl şəhərindəki evlərində axtarışlar başa çatıb.
Hacıyevin mənzilindən kompüter və sənədlər götürülüb.
"Məhkəmənin axtarış-götürülmə barədə qərarında göstərilib ki, istintaq sənədləri və kompüteri axtaracaq. Müdafiə tərəfiin narazılığına səbəb olan məsələlər var və biz müvafiq hüquqi addımlar atacağıq", - vəkil Cavad Cavadov Turan agentliyinə bildirib.
Onun sözlərinə görə, hələlik Bəxtiyar Hacıyevə qarşı yeni ittiham irəli sürülməyib".
Digər vəkil Elçin Sadıqov hesab edir ki, axtarışlar Hacıyevin hüquq-müdafiə fəaliyyətilə bağlı aparılıb.
«İyunun 28-də Bəxtiyar Hacıyevin istintaq müddəti başa çatır və istintaq Bəxtiyar Hacıyevə qarşı yeni ağır ittiham irəli sürmək üçün bu həbs müddətini uzatmaq istəyir. Hazırda onlar belə fürsət yaradacaq şeylərin axtarışı ilə məşğuldurlar", - vəkil Sadıqov deyib.
Fəalın qardaşı Vüqar Hacıyev Turan-a bildirib ki, bu gün səhər onun Göygöl şəhərindəki evində və valideynlərinin Gəncədəki evində axtarış aparılıb.
« Mənim evimdə axtarış iki saat davam etdi. Bəxtiyarla əlaqəli sənədlər, disklər, flash kartlar axtardılar. Dedim ki, məndə belə bir şey yoxdur. Bundan sonra bizim ailə fotosunun olduğu diskləri və Bəxtiyarın 2011-ci ildə Bakıda ABŞ - ın keçmiş dövlət katibi Hillari Klintonla çəkdirdiyi fotonu götürdülər", - Vüqar Hacıyev deyib.
O qeyd edib ki, axtarış zamanı vəkilinin iştirakı təmin edilməyib.
"Onlar özləri ilə iki şahid gətirdilər. Mən bu adamlari digər məhkəmə işlərində də şahid kimi görmüşdüm", - Vüqar Hacıyev deyib. Onun sözlərinə görə, valideynlərinin evindən də fotoların olduğu disklər götürülüb.
Hüquq müdafiəçisi Rüfət Səfərov bu axtarışları şərh edərkən onları hakimiyyətin Bəxtiyar Hacıyevi azad etmək istəyinin olmaması, əksinə, onu uzun müddətə həbs etmək istəməsi kimi qiymətləndirib.
"Bəxtiyar 7 aydır ki, həbsdədir, indiki ittihamlarla onu 3 ilədək həbs cəzası gözləyir. Ancaq görünür, hakimiyyət onu daha uzun müddətə həbs etmək istəyir və buna görə də ittihamı genişləndirir", - Səfərov deyib. O hesab edir ki, fəal vergidən yayınmaqda ittiham olunacaq.
"Bu, hökumətin ictimai fəala qarşı amansız qisas aktıdır. Səbəb onun hakimiyyətin ünvanına tənqididir. Bu cinayət təqibi bu işin siyasi xarakterini daha da gücləndirəcək", - hüquq müdafiəçisi əmin oduğunu bildirib. 03D06
* * *
2023 İyun 06 (Çərşənbə axşamı) 11:36:54
Bəxtiyar Hacıyevin və qohumlarının mənzillərində axtarışlar. Ona qarşı yeni ittiham hazırlanır
Bakı/06.06.23/Turan: İyunun 6-da səhərdən ictimai fəal, həbsdə olan Bəxtiyar Hacıyevin Bakıdakı, valideynlərinin isə Gəncədəki evində, həmçinin qardaşının və dostlarının mənzillərində axtarışlar başlayıb. Bu barədə Turan-a onun vəkili Elçin Sadıqov bildirib.
Axtarışlara Bakının Xətai rayonunun hakimi Fuad Axundov sanksiya verib, - vəkil əlavə edib.
"Ancaq "axtarış-götürülmə hərəkətləri əsaslandırılmayıb. Qanuna görə, axtarışın niyə və hansı cinayət işi üzrə aparıldığı əsaslandırılmalıdır.
Bəxtiyar Hacıyev xuliqanlıqda və məhkəməyə hörmətsizlikdə ittiham olunur. Lakin qanunvericilikdə bu ittihamlarla bağlı axtarış tədbirləri nəzərdə tutulmayıb.
“Görünür, Hacıyevə qarşı yeni ittiham irəli sürmək istəyirlər", - Sadıqov sözlərinə davam edib.
Digər vəkil Cavad Cavadov Turan-a bildirib ki, axtarış zamanı "istintaq sənədlər və elektron daşıyıcılarla maraqlanır".
Öz növbəsində Daxili İşlər Nazirliyinin mətbuat xidmətinin əməkdaşı İbrahim Əmiraslanlı Turan-a bildirib ki, Bəxtiyar Hacıyevin yaşadığı evdə axtarış aparılması cinayət işi üzrə istintaq hərəkətləri çərçivəsindədir. Saxlanılan yoxdur.
* Bəxtiyar Hacıyev ötən il dekabrın 9-da xuliqanlıq və məhkəməyə hörmətsizlik ittihamı ilə həbs edilib. Həmin gün Xətai Rayon Məhkəməsi onu 1 ay 20 gün azadlıqdan məhrum edib.
9 yanvar 2023-cü ildə Apellyasiya Məhkəməsi onu azad etməkdən imtina edbi və o, yenidən aclığa başlayıb. Yanvarın 21 – də məhkəmə onun həbs müddətini bir ay, fevralın 23 - də isə daha iki ay-aprelin 28-dək uzadıb.
Fevralın 28-də-aclığın 51-ci günündə Hacıyev aclığı dayandırıb.
ABŞ Dövlət Departamenti, ABŞ Senatı, Avropa İttifaqı, Avropa Şurası və bir sıra beynəlxalq qeyri-hökumət təşkilatlarının nümayəndələri dəfələrlə Bəxtiyar Hacıyevin həbsdən azad edilməsini tələb ediblər. 03B06
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz