А.Мухтарлы
Bakı/01.06.17/Turan: 10-a yaxın Gürcüstan QHT-si Azərbaycanlı jurnalist Əfqan Muxtarlının işi və Türkiyə vətəndaşı Mustafa Emre Çabukun saxlanması ilə əlaqədar "hədsiz narahatlıqlarını" ifadə edib.
Onlar birgə bəyanatlarında Gürcüstan hakimiyyətini beynəlxalq müqavilələr çərçivəsində öhdəliklərini yerinə yetirməyə çağırıblar.
Civil Georgi təşkilatının məlumatına görə, birgə mətbuat konfransında Gürcüstan QHT-ləri cəmiyyəti hökumətə, prokurorluğa və Gürcüstan parlamentinə müraciətlərində yer alan tələbləri ilə tanış ediblər.
İnsan Hüquqlarını Müdafiə və Monitorinq Mərkəzinin nümayəndəsi Tamta Mikeladzenin bəyanatına görə, Gürcüstan hakimiyyətinin bu şəxslər barəsində qəbul etdiyi qərarlar "Gürcüstanda demokratik proseslərə ciddi ziyan vurur".
"Bu hadisə Gürcüstanda demokratik idarəetmə olub-olmadığını göstərəcək", deyə o bildirib.
"Görürük ki, dövlətimiz beynəlxalq prinsiplərə və beynəlxalq hüquqa uyğun hərəkət etmir və öz ölkələrində təqib olunan əcnəbi vətəndaşları müdafiə etmir", deyə "Beynəlxalq şəffaflıq -Gürcüstan" təşkilatının rəhbəri Eka Giqauri bildirib.
Gürcüstan QHT-ləri öz müraciətlərində hökuməti qonşu dövlətlərin öz ölkələrində təqib olunan fəallarının, jurnalistlərinin, siyasətçilərinin və digər şəxslərin azad yaşamasını, yerdəyişməsini və toxunulmazlığını təmin etməyə çağırırlar.
QHT-lər Gürcüstan Prokurorluğundan bu iş üzrə vaxtlı-vaxtında səmərəli və müstəqil araşdırma aparmağı tələb edir, Parlamentdən isə hüquq-mühafizə orqanlarının və təhlükəsizlik qurumlarının fəaliyyətinə səmərəli nəzarət həyata keçirməyi xahiş edirlər.
QHT-lər Gürcüstan hakimiyyətini Gürcüstan hüquq-mühafizə orqanlarının mayın 24-də Türkiyə tərəfin xahişi ilə FETÖ təşkilatı ilə əlaqələrdə ittiham olunan Türkiyə vətəndaşı, Tbilisidə özəl kollecin meneceri Mustafa Emre Çabuku bu ölkəyə təhvil verməməyə çağırırlar. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz