Bakı/18.04.17/Turan: ““Hacı Cavad” məscidi ətrafında sakitlikdir, bir neçə gün öncə bu məsələ ilə bağlı yaradılan komissiyanın üzvləri məscidə baxış keçiriblər, nəticələri gözləyirik”. Bunu Turan-a məscid icmasının liderlərindən biri söyləyib.
Onun sözlərinə görə, yaxın 10-15 gün ərzində nəticənin nədən ibarət olduğu bilinəcək, məsələnin həllinə Qafqaz Müsəlmanları İdarəsi (QMİ) də çalışır.
Mənbənin məlumatına görə, məsələnin iki həlli variantı var: “Əgər məscidin bünövrəsi möhkəmdirsə, onu bərpa etməyə çalışacaqlar, əksinə, məscidin bünövrəsində problem olarsa, sökülə bilər. Amma burada da bizim xahişimiz ondan ibarətdir ki, ibadət etmək üçün ən yaxın yerdə ərazi ayrılsın, yeni məscid binası tikilsin”, deyə o qeyd edib.
Xatırladaq ki, bir neçə gün əvvəl yeni yolun tikintisi ilə əlaqədar Hacı Cavad məscidinin yerləşdiyi binanı sökmək istəyirdiər. Bu da dindarların etirazına səbəb olub, onlar binanı qoruyaraq, polisə müqavimət göstəriblər.
Dünən dindarlar İlham Əliyevə məktub göndərərək, problemin ədalətli həllinə ümid etdiklərini bildiriblər. -03В-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz