Bakı/31.01.22/Turan: Sahibkar Hafiz Məmmədov ev dustaqlığına keçirilib. Bu qərarı bazar ertəsi müdafiə tərəfin vəsatətini təmin edən Yasamal rayon məhkəməsinin hakimi Hüseyn Səfərov qəbul edib.
Məmmədov ötən cümə axşamı İqtisadiyyat Nazirliyi yanında Dövlət Vergi Xidmətinin Vergi Cinayətlərinin İbtidai Araşdırılması Baş İdarəsinin təqdimatı əsasında həbs edilib. O, rəhbərlik etdiyi vergi və icbari dövlət sığortası üzrə sosial ödənişləri ödəməkdən yayınmaqda ittiham olunur.
Vəkil Orxan Cəfərbəylinin Turan-a verdiyi məlumata görə, yığılmış məbləğin yarısı - 600 min manat artıq ödənilib. Məmmədov qalan məbləği də ödəmək öhdəliyi götürüb.
Bir müddət əvvəl KİV-lər Məmmədovun ümumi borcunun 1,4 mln. manat olduğu barədə məlumat yaymışdı.
* Əslən Naxçıvandan olan Hafiz Məmmədov 1990-cı illərdən bizneslə məşğul olub. O, hazırkı hakimiyyətə yaxınlığı ilə tanınır.
2003-cü ildən "Baghlan Group FZCO" holdinqin prezidentidir.
2004-cü ildə "Bakı" Futbol Klubunun prezidenti, 2005-ci ildə Milli Futbol Assosiasiyası İcraiyyə Komitəsinin üzvü olub.
2013-2015-ci illərdə İspaniyanın “Atletiko” Futbol Klubunun sponsorlarından biri olub. Klubun oyunçuları matçlara üzərində “Land of fire Azerbaijan” (Odlar Yurdu Azərbaycan) yazısı olan köynəklərlə çıxıblar.
2013-cü ildə Fransanın ikinci liqasında çıxış edən "Lans" klubunu alıb. Lakin sonradan komandanı saxlamaq iqtidarında olmayıb. -016В03/06-
Cəmiyyət
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
-
Yanvarın 29-da Bakıda və Abşeron yarımadasında hava dəyişkən buludlu olacaq, əsasən yağıntısız olacaq. Mülayim cənub-şərq küləyi əsəcək. Havanın temperaturu gecə müsbət 3+6, gündüz müsbət 8+13 dərəcə olacaq. Rütubət 70-80 faiz olacaq.
-
Gənclər ətraf mühitin mühafizəsinə yönəlmiş texnoloji həllərini təqdim ediblər Yanvarın 18-də Oxbridge Academy-də Azercell və “Eventify” şirkətinin birgə təşkilatçılığı ilə “Dayanıqlı İnkişaf” hakatonu baş tutub. Layihə gənclərə potensiallarını reallaşdırmağa imkan yaratmaq, eləcə də ətraf mühitin qorunmasına yönəlmiş texnoloji həlləri ərsəyə gətirmək məqsədini daşıyıb. Tədbir həmçinin startap ekosisteminin inkişafına töhfə verərək iştirakçılara öz innovativ ideyalarını həyata keçirmək üçün effektiv platforma rolunu oynayıb.
Rəy yaz