Hakerlər mərhum ilahiyyatçı Hacı Şahin Həsənlinin YouTube hesabını ələ keçiriblər
Ötən şənbə günü məlum olub ki, Azərbaycanın ən məşhur islam vaizi Hacı Şahin Həsənlinin YouTube kanalı hakerlər tərəfindən ələ keçirilib. Onun digər sosial şəbəkələrdəki hesabları da hücumlara məruz qalıb, bu barədə mərhum ilahiyyatçının izləyiciləri məlumat verib.
Hesabı kimin və niyə ələ keçirdiyi və Həsənlinin son 10 ildə paylaşdığı videomüraciətləri niyə sildiyi aydın deyil. Bu xütbələrin ümumi izlənmə sayı bir neçə milyon təşkil edirdi. İzləyiciləri köhnə videoları bərpa etməyə çalışdıqlarını bildiriblər.
Rabitə, Nəqliyyat və Yüksək Texnologiyalar Nazirliyi yanında Elektron Təhlükəsizlik Mərkəzi baş verənlərlə bağlı şərh vermir.
* Hacı Şahin Həsənli 49 yaşında ürəktutmadan vəfat edib. O, ölkənin ən nüfuzlu ilahiyyatçısı, Bakının Məşədi Dadaş məscidinin axundu idi. 2007-ci ildə o, "Mənəvi Dünya" Milli-Mənəvi Dəyərlərin Təbliği ictimai birliyini təsis edib. Eyni zamanda o, Qafqaz Müsəlmanları İdarəsinin Nəsimi rayonu üzrə nümayəndəsi idi.
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz