Hakimi ifşa etdiyi üçün Ə.Zeynallı məhkəməyə gətirilməyib
Bu günlərdə Bakı İnzibati-İqtisad Məhkəməsində həbsdə olan jurnalist Əvəz Zeynallının iddiası əsasında məhkəmə prosesi keçirilib.
İddia Vergilər Nazirliyinə, nazirlik yanında Vergi Audit Departamentinə qarşı qaldırılıb və nazirliyin 2012-ci ilin fevralında qəbul etdiyi vergi yoxlamasının etibarsız sayılmasını tələb edir.
Müdafiə tərəfi Ə.Zeynallını məhkəməyə dəvət etmək vəsatəti qaldırsa da, hakim vəsatəti yerinə yetirməkdən imtina edib. Müdafiə tərəfin açıqlamasına görə, buna səbəb hakim Miminət Hacıbəyovanın bu məsələ ilə bağlı bir-birinə zidd çıxardığı qərarları Ə.Zeynallının mətbuat vasitəsilə ictimailəşdirməsidir. Ə.Zeynallı vəsatətin təmin olunmamasını hakimin ədalətsiz qərar çıxaracağı ilə əlaqələndirib.
Adı çəkilən qərara əsasən, Vergilər Nazirliyi yanında Vergi Audit Departamenti Ə.Zeynallının baş redaktoru olduğu “Xural” qəzetinin 7 min 251 manat vergidən yayınmasını müəyyən edib, materiallar Baş Prokurorluq yanında Baş Korrupsiyaya qarşı Mübarizə İdarəsinə göndərilib.
Həmin vaxt Ə.Zeynallı ilə bağlı cinayət işinə Bakı Ağır Cinayətlər Məhkəməsində baxılırdı. O zaman Vergi Audit Departamenti İnzibati-İqitisadi məhkəməyə “icraatın dayandırılması” haqda ərizə ilə müraciət edir, hakim M.Hacıbəyova “icraatın dayandırılması” qərarı qəbul edir. Amma 2012-ci ilin iyununda yenə də elə hakim M.Hacıbəyova icraatın dayandırılmasına əsas olmaması qərarı çıxarır. Müdafiə tərəfin firkincə, hakimin “icraatın dayandırılmasına əsas olmaması” haqda qərarı siyasi sifarişin nəticəsidir.
“Xural” qəzetinin redaktoru Əvəz Zeynallı 2011-ci ilin oktyabrında həbsə alınıb. Öncə ona ittiham kimi hədə-qorxu ilə rüşvət tələb etmək, təkrar rüşvət tələb etmək kimi ittihamlar irəli sürülüb, daha sonra isə vergidən yayınma, məhkəmə qərarını yerinə yetirməkdən yayınma kimi ittihamlar elan edilib. -05D-
-
- Siyasət
- 30 Aprel 2014 15:56
-
- İqtisadiyyat
- 30 Aprel 2014 16:56
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz