Bakı/31.01.19/Turan: Cümə axşamı KİV-ə Dövlət Dəstəyi Fondunda keçirilən iclasda xeyli sayda qəzetin maliyyələşdirilməsinin azaldılacağı elan edilib.
Fondun rəhbəri Vüqar Səfərli işarə edib ki, İnternet dövründə qəzet çapının maliyyələşdirilməsinin mənası yoxdur.
Bununla əlaqədar KİV-in maliyyələşdirilməsi üzrə müsabiqənin qaydalarına dəyişikliklər edilir. Belə ki, bundan sonra son 3 ildə müntəzəm nəşr edilən, ən azı 16 səhifəlik formata (A3) malik, ən azı 5 min tirajı olan və 2 min nüsxədən az satılmayan qəzetlərə maliyyə dəstəyi göstərilə bilər.
Xarici dillərdə nəşr edilən qəzetlərin tirajı ən azı 3 min olmalıdır və tirajın yarısı satılmalıdır.
V.Səfərli həmin göstəricilərə uyğun olmayan qəzet adı və say açıqlamayıb. Lakin sosial şəbəkələrdə tezliklə bağlanacağı ehtimal edilən təxminən 20 qəzetin siyahısı yayılıb. Bunlar "Şərq", "Ədalət", "Unikal", "Palitra", "Paralel", "Azad Azərbaycan", "Hürriyyət", "Reytinq", "Olaylar", "Bizim yol", "Üç nöqtə", "Mövqe" və başqalarıdır.
Görünür, hakimiyyətin himayəsində olan "Səs", "Yeni Azərbaycan", "Yeni Müsavat", "İki sahil", "Kaspi", "Bakı xəbər", "Novoye vremya", "525" qəzetləri qalacaq.
Hələlik bununla bağlı rəsmi təsdiq və ya hər hansı şərh yoxdur. -05B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz