![Hakimiyyət dini təbliğata qoyulan məhdudiyyətləri yumşaldır](https://turan.az/resized/./turan-750-500-resize.webp)
Hakimiyyət dini təbliğata qoyulan məhdudiyyətləri yumşaldır
Bakı/24.04.17/Turan: Milli Məclisin İctimai birliklər və dini qurumlar komitəsinin aprelin 24-də keçirilən iclasında “Dini etiqad azadlığı haqqında” qanuna əlavələr müzakirəyə çıxarılıb.
Komitə sədri Siyavuş Novruzov layihə haqda deyib ki, Qafqaz Müsəlmanları İdarəsindən (QMİ) təklif daxil olub, belə ki, QMİ xaricdə dini təhsil almış Azərbaycan vətəndaşlarının müvafiq icra hakimiyyəti qurumları ilə razılaşdırılmaqla islam dininə aid ayin və mərasimlər aparmasına icazə verilməsini mümkün sayır.
Bununla yanaşı, layihəyə Azərbaycanda əcnəbilər və vətəndaşlığı olmayan şəxslər tərəfindən dini ayinlərin icrası ilə bağlı bəzi qadağalar da ləğv edilir və bu məqsədlə “Dini etiqad azadlığı haqqında” qanunun 1-ci maddəsinə dəyişiklik nəzərdə tutulur.
Gözlənilən dəyişikliyə əsasən, dini mərkəz tərəfindən dəvət edilmiş din xadimləri istisna edilməklə, əcnəbilər və vətəndaşlığı olmayan şəxslər tərəfindən dini təbliğat aparılması qadağandır.
Bəndin hazırda qüvvədə olan variantına görə, əcnəbilər və vətəndaşlığı olmayan şəxslər tərəfindən dini təbliğat aparılması qadağandır. Qeyd edək ki, bu qadağalar ötən ilin oktyabrın ayında qəbul edilib.
Komitə sədri Siyavuş Novruzov deyib ki, həqiqətən dünyada elə dini mərkəzlər var ki, onların Azərbaycanda dinlə bağlı ayinlər icra etməsi məqsədəuyğundur.
Dəyişiklikdən irəli gələrək Cinayət Məcəlləsinin uyğun maddələrində dəyişiklik edilir.
Layihə Milli Məclisin plenar iclasına tövsiyə olunub. -05D06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz