Hakimiyyət mərasimərlə bağlı tövsiyyələrini verib
Yas və toy mərasimlərində israfçılığın qarşısının alınması ilə bağlı rayon icra hakimiyyətlərinə xalqın müzakirəsi üçün müəyyən tövsiyələr verilib.
Bütün prosesə başçılıq etmək dövlət müşaviri Kamal Abdullaya həvalə edilib. Bununla bağlı rayon icra hakimiyyətləri başçılarının birinci müavinləri xəbərdardırlar. Məscidlər daxilində mərasim zalları işlədən şəxslərə bu məsələ barəsində bilgi verilib.
Məsələni Türan-a şərh edən Qafqaz Müsəlmanları İdarəsinin (QMİ) sədr müavini Fuad Nurulla bu tövsiyələrin bəzi KİV-lərdə hökumətin qərarı kimi təqdim edilməsinin həqiqətə uyğun olmadığını deyib. O, yas və toy mərasimlərində israfçılığın aradan qaldırılmasının yeni məsələ olmadığını söyləyib. Bununla bağlı 2011-ci ildə QMİ-nin xalqa müraciəti olduğunu bildirib. Həmin müraciətdə vətəndaşların mərasimlərdə israfdan çəkinmələri tövsiyə olunub.
Onun sözlərinə görə, indiki halda söhbət ehsanın qadağan olunmasından yox, onun israf həddinə çatdırılmamasından gedir. Bu məsələdə maarifləndirmə üsuluna aparıcı yer verilir. F.Nurulla ümumiyyətlə islamın din olaraq israfı bəyənmədiyini qeyd edib, bu haqda “Quran-i-Kərim”in uyğun ayələrinə isnad edib. Onun fikrincə, israfı aradan qaldırmaqda daha çox insanların qınağı təsirli olar. Amma təəssüf ki, bu gün insanlar belə qınaq bildirməkdən çox uzaqdırlar.
“Təklif edilənlər hələlik tövsiyələrdir, xalqın bunu nə dərəcədə özü üçün normaya çevirə biləcəyi əsas məsələdir ki, bu da hərtərəfli təbliğat-təşviqat işi tələb edir”, - deyə F.Nurulla bildirib.
F.Nurulla onu da əlavə edib ki, bu tövsiyələr orucluq, məhərrəmlik kimi mərasimlərdə düzənlənən xüsusi ehsanlara aid edilmir. -05B-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz