Стадион
Hakimiyyət presedentdən qorxdu � hüquqşünas
Bakı/17.11.17/Turan: Paytaxt meriyası bir qrup hüquqşünasın Bakının Yasamal rayonunda "Məhsul" stadionunda mitinq keçirmək barədə müraciətinə imtina cavabı verib.
Mitinq keçirilməsi zərurəti Milli Məclisin qanunvericiliyə nümayəndəlik institutunu faktiki olaraq ləğv edən düzəlişləri qəbul etməsindən, prezident İlham Əliyevin isə onları təsdiq etmsindən sonra yaranıb.
Düzəlişlərə əsasən, gələn il yanvarın 1-dən etibarən məhkəmələrdə vətəndaşları yalnız onlar özləri, yaxın qohumları və Vəkillər Kollegiyasının üzvləri təmsil edə bilər.
Gələn ildən hüquqşünaslar üçün məhkəmələrə giriş bağlanır. Hələ düzəlişlər qəbul edilməzdən əvvəl ekspertlər qeyd edirdilər ki, kifayət qədər vəkilin olmaması ölkənin bütün hüquq sisteminin kollapsına səbəb olacaq. Buna cavab olaraq hakimiyyət bu yaxınlarda keçiriləcək Kollegiyaya qəbul imtahanından sonra vəkillərin sayı artacaq. Amma hüquqşünasların əksəriyyəti bununla razılaşmayıb və etiraz mitinqi keçirməyi qərara alıb, bu barədə Bakı meriyasına məktub göndərib.
Bir həftə sonra paytaxtın rəhbər orqanı hüquqşünaslara imtina cavabı verib, bunu prezidentin düzəlişlər edilməsini təsdiq etməsi, buna görə də mitinq keçirilməsinin artıq məqsədəuyğun olmaması ilə əsaslandırıb və təşkilatçıların iştirakçıların dəqiq sayını göstərmədiyini əlavə edib.
Aksiya təşkilatçılarından biri, hüquqşünas Xalid Bağırov Turan-a bildirib ki, müraciətdə iştirakçıların maksimum sayı 5 min nəfər göstərilib. Buna görə imtinanın əsl səbəbi hakimiyyətin belə bir mitinqə yol verməmək istəyidir. "Onlar hüquqşünasların bu formada etiraz etməsini istəmir", deyə Bağırov qeyd edib.
Bağırov əlavə edib ki, hazırda hüquqşünasların gələcək addımları müzakirə olunur. "İndi biz meriyaya mitinq keçirilməsi haqqında təkrar müraciəti, habelə digər etiraz formalarını müzakirə edirik. Təbii ki, biz məhkəməyə müraciət edəcəyik, çünki meriya öz imtinası ilə toplaşmaq azadlığını pozub.
Bundan başqa, biz bu işin bəzi aspektləri ilə bağlı Konstitusiya Məhkəməsinə, habelə Avropa İnsan Hüquqları Məhkəməsinə müraciət etməyi planlaşdırırıq", deyə Bağırov əlavə edib.
Onun fikrincə, imtinanın əsl səbəbi mitinqin məhkəmə təcrübəsi ilə məşğul olan bir qrup hüquqşünas tərəfindən planlaşdırılması və qanunveiciliyə dəyişikliyin bir sosial qrupun maraqlarına toxunmasıdır.
"Hakimiyyət bundan qorxur. Onlar düşünürlər ki, bu gün hüquqşünasların hüquqları pozulubsa və onlar öz etirazlarını bildirə bilirsə, sabah həkimlər, müəllimlər və digərləri də mitinq keçirəcəklər". Hüquqşünaslar İcra Hakimiyyətinin imtina cavabından müxtəlif instansiyalara şikayət edəcəklər.
Qanunvericiliyə dəyişikliklərə əsasən, fiziki şəxslərin yalnız yaxın qohumlarının məhkəmələrində qanuni nümayəndə kimi iştirakına icazə verilir. Dəyişikliklər 2018-ci il yanvarın 1-dən qüvvəyə minəcək. -0-
-
- İqtisadiyyat
- 17 Noyabr 2017 13:39
-
- Maliyyə
- 17 Noyabr 2017 13:59
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz