Artıq 10 gündür ki, İslam Partiyası Astara rayon təşkilatının rəhbəri Famil Şükürovun taleyindən xəbər yoxdur. Ərçıvan kənd sakini F.Şükürov “Odnoklassniki. ru” sosial şəbəkəsində yerli sakinlərin təhqir edilməsinə etiraz olaraq fevralın 19-da Lənkəpan-Astara yolunu bağlayan əhalinin etiraz aksiyası ilə əlaqədar saxlanılıb. Aksiya iştirakçıları günahkarların cəzalandırılmasını tələb ediblər.
Polis aksiyanı dağıdaraq bir neçə nəfəri saxlayıb. Vəkil Anar Qasımlı Turan-a bildirib ki, fevralın 19-dan F.Şükürovun saxlandığı yer, onun nədə ittiham olunması barədə məlumat yoxdur.
Onun sözlərinə görə, hüquq-mühafizə orqanlarında onun sorğusuna cavab olaraq bildirilib ki, F.Şükürov Astarada deyils.
A.Qasımlının məlumatına görə, həmçinin aksiya zamanı saxlanılan bir neçə nəfər Ərçivan kənd sakininin də taleyi məlum deyil.—06B-
Cəmiyyət
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
Rəy yaz