![Həbsdə olan AXCP fəalına doğmaları ilə görüşə icazə verilmir](https://turan.az/resized/./turan-750-500-resize.webp)
Həbsdə olan AXCP fəalına doğmaları ilə görüşə icazə verilmir
Bakı/22.09.18/Turan: AXCP Gənclər Komitəsinin üzvü Orxan Baxışlının barəsində hökm çıxarılandan sonra ona doğmaları ilə görüş verilmir.
Xatırladaq ki, O.Baxışlı mayın 6-də saxlanılıb. Polis onun üzərindən 6 qram heroin tapıldığını bildirib. Gənc fəal ittihamı rədd edərək narkotiki cibinə polislərin atdığını deyib.
O.Baxışlı həbsindən bir neçə gün öncə - mayın 3-də Beynəlxalq Mətbuat Azadlığı Günündə mərhum jurnalist Elmar Hüseynovun məzarı önündə etdiyi çıxışda E.Hüseynovun qətlində hakimiyyəti suçlayıb. Həmkarlarının fikrincə, həbsin əsl səbəbi budur.
Hüquq müdafiəçiləri O.Baxışlını siyasi məhbus kimi tanıyıblar. Sentyabrın 18-də məhkəmə onu 6 il azadlıqdan məhrum edib.
Fəalın anası Kəmalə Rəhimli Turan-a bildirib ki, oğlunun barəsində hökm çıxarılandan sonra Bakı 1 saylı təcridxanada ona doğmaları ilə görüş verilmir. Onun sözlərinə görə, əvvəlcə görüşə qadağanın səbəblərini açıqlamayıblar. Sonra bildiriblər ki, Orxan guya siyasi mövzuda söhbətlər eləyir. Onu araşdıracaqlar.
Fəalın anası ehtimal edir ki, söhbət Orxanın məhkəmədə son sözündə səsləndirdiyi tənqidi fikirlərlə bağlı ola bilər. O.Baxışlı hakimiyyətin repressiyalarına baxmayarq, ölkənin demokratikləşməsi uğrunda mübarizəsini davam etdirəcəyini bildirib. Hökm açıqlandıqdan sonra "Azadlıq!" şüarını səsləndirib.
Orxan Baxışlı vətəndaş cəmiyyətinin İşçi Qrupunun sentyabrın 1-də açıqladığı 128 siyasi məhbusdan ibarət siyahıya daxil edilib. Həmçinin fəal 151 nəfərdən ibarət siyasi məhbus siyahısında yer alıb. Bu siyahı avqustun 3-də Siyasi Məhbusların Müdafiə Mərkəzi tərəfindən açıqlanıb.-06D--
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz