Vaqon- məktəb

Hər tədris ilinin əvvəlində rəsmi qurumlar yeni orta məktəblərin tikilməsi və köhnələrin təmir edilməsi barədə təntənəli raportlar verirlər. Ancaq heç kimə sirr deyil ki, hələ də ölkənin bəzi rayon və kəndlərində məktəblər acınacaqlı vəziyyətdə olaraq qalır.

Statistikaya görə, Azərbaycanda ümumtəhsil məktəblərinin sayı 4 472-dir. Bu məktəblərdə bir milyon yarımdan çox uşaq və yeniyetmə təhsil alır. Hazırda 34 yeni məktəbin inşası davam edir, modul tipli 137 tədris müəssisəsi istismara verilib.

Qeyd edək ki, modul tipli məktəblər kiçik kəndlərdə qurulur və 40-100 şagird üçün nəzərdə tutulur. Hər belə məktəbin qurulmasına orta hesabla 300-350 min manat xərclənir.

Lakin indiyədək zəngin neft ölkəsində vaqon-məktəblər fəaliyyət göstərir. Başa düşməyənlər üçün açıqlama verək ki, bu, təhsil sahəsində hər hansı yeni müasir istiqamət deyil, sadəcə, köhnə vaqondur, məktəb olmadığından onu məktəb avadanlığı ilə təchiz ediblər.

Savalan yaşayış massivində məktəbin açılışında prezident İlham Əliyev deyib ki, bəzi kəndlərdə məktəblər qəzalı vəziyyətdədir. Onların sökülməsi və yerində yenilərinin tikilməsi gələn il başa çatacaq.

Qəzalı məktəblərin durumu aydındır, bəs vaqon-məktəblər necə olsun? Məsələn, Bərdə rayonunda məcburi köçkünlər üçün nəzərdə tutulmuş 122 saylı orta məktəb kimi vaqon məktəb..Kubikdən pilləkanı, üzərində məktəbin nömrəsi və zəng olan bu "məktəbə" baxarkən istər-istəməz İkinci Dünya Müharibəsi illərinə düşmüş olursan.

Təhsil sahəsində ekspert Kamran Əsədovun sözlərinə görə, 4472 ümumtəhsil məktəbindən 3 minə qədəri əsaslı təmir edilib və büdcə vəsaiti hesabına inşa olunub. "Lakin buna baxmayaraq, hələ də qəzalı vəziyyətdə olan və vaqon tipli məktəblər fəaliyyət göstərir.

Bu cür məktəblər modul tipli müəssisələr ilə əvəzlənir. Ancaq bu iş hələlik başa çatmayıb. Ölkədə vaqon tipli məktəblərin olmasının əsas səbəblərindən biri 90-cı illərin əvvəllərində məcburi köçkünlərin axınıdır. Kəlbəcər və Ağdam sakinləri Gəncə, Bərdə, Mingəçevir ərazisində vaqonlarda məskunlaşıblar. Dövlət Proqramı çərçivəsində sonradan çoxu onlar üçün tikilmiş evlərə köçüblər, lakin məcburi köçkünlərin bir hissəsi indiyədək evlə təmin olunmayıb. Məhz onlar üçün vaqon- məktəblər fəaliyyət göstərir. Əslində, söhbət təkcə vaqon-məktəblərdən getməməlidir. Həm də Quba, Daşkəsən, Lerik, Yardımlı dağ kəndlərində digər qəzalı məktəblərdən getməlidir. Bu məktəblərdə normal dərs prosesi mümkün deyil. Dövlət Proqramına əsasən 2019-cu ilədək ölkədə qəzalı məktəb olmamalıdır. Lakin təəssüf ki, ölkədə müşahidə edilən iqtisadi inkişafa baxmayaraq, qəzalı məktəblər hələ də var. Bu məktəblərdə şagirdlərə bilik vermək mümkün deyil. Buraxılış imtahanlarının nəticələri göstərir ki, normal şərait olmadığına görə şagirdlərin ortaya qoyduğu nəticələr aşağıdır. Ümid edirik ki. 2020-ci ilədək problem öz həllini tapacaq", - K.Əsədov vurğulayıb.

Onu da qeyd edək ki, müxtəlif illərdə Azərbaycanın tam maliyyə dəstəyilə Gürcüstan, Misir, Rumıniya, Rusiya, Pakistan və Hollandiyada bir neçə məktəb yenidən qurulub və əsaslı təmir edilib. Ümid edək ki, növbə Bərdədəki məcburi köçkünlərin məktəbinə də çatacaq.

Hər tədris ilinin əvvəlində rəsmi qurumlar yeni orta məktəblərin tikilməsi və köhnələrin təmir edilməsi barədə təntənəli raportlar verirlər. Ancaq heç kimə sirr deyil ki, hələ də ölkənin bəzi rayon və kəndlərində məktəblər acınacaqlı vəziyyətdə olaraq qalır.

Statistikaya görə, Azərbaycanda ümumtəhsil məktəblərinin sayı 4 472-dir. Bu məktəblərdə bir milyon yarımdan çox uşaq və yeniyetmə təhsil alır. Hazırda 34 yeni məktəbin inşası davam edir, modul tipli 137 tədris müəssisəsi istismara verilib.

Qeyd edək ki, modul tipli məktəblər kiçik kəndlərdə qurulur və 40-100 şagird üçün nəzərdə tutulur. Hər belə məktəbin qurulmasına orta hesabla 300-350 min manat xərclənir.

Lakin indiyədək zəngin neft ölkəsində vaqon-məktəblər fəaliyyət göstərir. Başa düşməyənlər üçün açıqlama verək ki, bu, təhsil sahəsində hər hansı yeni müasir istiqamət deyil, sadəcə, köhnə vaqondur, məktəb olmadığından onu məktəb avadanlığı ilə təchiz ediblər.

Savalan yaşayış massivində məktəbin açılışında prezident İlham Əliyev deyib ki, bəzi kəndlərdə məktəblər qəzalı vəziyyətdədir. Onların sökülməsi və yerində yenilərinin tikilməsi gələn il başa çatacaq.

Qəzalı məktəblərin durumu aydındır, bəs vaqon-məktəblər necə olsun? Məsələn, Bərdə rayonunda məcburi köçkünlər üçün nəzərdə tutulmuş 122 saylı orta məktəb kimi vaqon məktəb..Kubikdən pilləkanı, üzərində məktəbin nömrəsi və zəng olan bu "məktəbə" baxarkən istər-istəməz İkinci Dünya Müharibəsi illərinə düşmüş olursan.

Təhsil sahəsində ekspert Kamran Əsədovun sözlərinə görə, 4472 ümumtəhsil məktəbindən 3 minə qədəri əsaslı təmir edilib və büdcə vəsaiti hesabına inşa olunub. "Lakin buna baxmayaraq, hələ də qəzalı vəziyyətdə olan və vaqon tipli məktəblər fəaliyyət göstərir.

Bu cür məktəblər modul tipli müəssisələr ilə əvəzlənir. Ancaq bu iş hələlik başa çatmayıb. Ölkədə vaqon tipli məktəblərin olmasının əsas səbəblərindən biri 90-cı illərin əvvəllərində məcburi köçkünlərin axınıdır. Kəlbəcər və Ağdam sakinləri Gəncə, Bərdə, Mingəçevir ərazisində vaqonlarda məskunlaşıblar. Dövlət Proqramı çərçivəsində sonradan çoxu onlar üçün tikilmiş evlərə köçüblər, lakin məcburi köçkünlərin bir hissəsi indiyədək evlə təmin olunmayıb. Məhz onlar üçün vaqon- məktəblər fəaliyyət göstərir. Əslində, söhbət təkcə vaqon-məktəblərdən getməməlidir. Həm də Quba, Daşkəsən, Lerik, Yardımlı dağ kəndlərində digər qəzalı məktəblərdən getməlidir. Bu məktəblərdə normal dərs prosesi mümkün deyil. Dövlət Proqramına əsasən 2019-cu ilədək ölkədə qəzalı məktəb olmamalıdır. Lakin təəssüf ki, ölkədə müşahidə edilən iqtisadi inkişafa baxmayaraq, qəzalı məktəblər hələ də var. Bu məktəblərdə şagirdlərə bilik vermək mümkün deyil. Buraxılış imtahanlarının nəticələri göstərir ki, normal şərait olmadığına görə şagirdlərin ortaya qoyduğu nəticələr aşağıdır. Ümid edirik ki. 2020-ci ilədək problem öz həllini tapacaq", - K.Əsədov vurğulayıb.

Onu da qeyd edək ki, müxtəlif illərdə Azərbaycanın tam maliyyə dəstəyilə Gürcüstan, Misir, Rumıniya, Rusiya, Pakistan və Hollandiyada bir neçə məktəb yenidən qurulub və əsaslı təmir edilib. Ümid edək ki, növbə Bərdədəki məcburi köçkünlərin məktəbinə də çatacaq.