Hüquq müdafiəçisi Taleh Xasməmmədovun ailə üzvləri Penitensiar Xidmətin müalicə müəssisəsində ona baş çəkiblər. Bu barədə məhkumun anası Gülbuta Xasməmmədova bildirib. Onun sözlərinə görə, Talehin vəziyyəti ağırdır və sinir ağrılarından əziyyət çəkir. Söhbət etməyə halı olmayıb, ağrıkəsici dərmanlar da qəbul edib.
Bundan əlavə, Taleh zob xəstəliyindən əziyyət çəkir, qanında zəhərlənmə gedir. Təcili əməliyyat olunmasına ehtiyac var. Bu əməliyyatın həbsxana şəraitində həyata keçirilməsi risklidir.
Fevralın ortalarında koloniyada T.Xasməmmədova qarşı təxribat törədilib. Məhbuslardan biri onu davaya sövq edib və xəsarət yetirib. Sonra onu karserə salıblar ki, heç kim döyülmə izlərini görməsin.
Bundan öncə T.Xasməmmədov 17 saylı koloniyada karserə salınıb. Hər gün onu döyüblər, sonra “səhvən oldu” deyib üzr istəyiblər.
Məhbusun anası ölkə rəhbərliyinə müraciət edərək oğlunun məhvinə yol verilməməsini xahiş edir.
O həmçinin Talehlə yaxından maraqlandıqları üçün Beynəlxalq Qırmızı Xaç Komitəsinə, KİV və digər qurumlara minnətdarlığını bildirib.
Xatırladaq ki, T.Xasməmmədov Göyçay-Ucar bölgəsində icra hakimiyyətinin yol verdiyi qanun pozuntularını və korrupsiya faktlarını aşkarlaması ilə tanınır. Onu bir neçə dəfə hədələyərk öz yazılarını dayandırmağı tələb ediblər. 2015-ci ildə xuliqanlıqda ittiham olunaraq 3 il müddətinə azadlıqdan məhrum edilib. –06D—
Cəmiyyət
-
Beynəlxalq İnsan Hüquqları Günündə tanınmış Azərbaycanlı aktivistlər Novella Cəfəroğlu, Mirvari Qəhrəmanlı, Arzu Abdullayeva, Hilal Məmmədov və "Turan" informasiya agentliyinin direktoru Mehman Əliyev ölkədəki insan hüquqlarının pisləşən vəziyyətini müzakirə etmək üçün bir araya gəldilər. Görüş Meydan TV ilə əlaqəli jurnalistlərə və vətəndaş cəmiyyəti aktivistlərinə qarşı yönəlmiş narahatedici yeni həbslər dalğasına həsr olunmuşdu və iştirakçılar bunu Azərbaycanda azadlıqların və ifadə hüququnun əhəmiyyətli şəkildə azalması kimi qiymətləndirdilər.
-
Dekabrın 11-də Bakıda və Abşeron yarımadasında yağıntı gözlənilmir. Mülayim cənub-qərb küləyi əsəcək.
-
Lider mobil operatordan “Kinon” ilə dünyaca məşhur onlayn kinoteatrlar bir arada “Kinon" tətbiqinin imkanlarını genişləndirən Azercell dekabr ayının 10-dan etibarən xidmətə Wink, Viju və Premier onlayn kinoteatrlarını əlavə edir. Beləliklə artıq “Kinon” eyni anda müxtəlif cihazlarda 240-dan çox yerli və xarici kanalı onlayn izləmək imkanı ilə yanaşı, “Amediateka”, "Premier", "Viju" və "Wink" kimi dünyaca məşhur onlayn kinoteatrları bir platformada birləşdirir.
-
Ötən həftə ərzində hüquq müdafiəçisi Rüfət Səfərov, MeydanTV internet televiziyası ilə əməkdaşlıq edən altı jurnalist və onların bəzi yaxınları həbs olundular. Üstəlik, siyasi şərhçi Azər Qasımlı da saxlandı. O, hədə-qorxu ilə tələb etmədə, qalanları isə qaçaqmalçılıqda şübhəli sayılır.
Rəy yaz