Bakı/06.02.21/Turan: Bu gün, fevralın 6-da 1 saylı Bakı İstintaq Təcridxanasında saxlanılan jurnalist Polad Aslanov 7 gündür aclıq edir.
Jurnalistin həyat yoldaşı Gülmirə Aslanova Facebook səhifəsində bildirib ki, Polad Aslanov hələ də həkim nəzarətinə götürülməyib.
“Həyat yoldaşımın çəkisi aclıqdan əvvəl 44 kiloqram olub, ürək-damar xəstəsidir. O hər an komaya düşə bilər. Aidiyyatı üzrə müraciətlər etməyimə baxmayaraq Polad Aslanova heç bir qurum baş çəkmir və hələ də digər məhbus yoldaşları ilə birlikdə eyni kamerada saxlanılır,” o qeyd edib.
Bununla yanaşı, Gülmirə Aslanova jurnalistin koronavirusa yoluxub-yoluxmamasını öyrənmək üçün ondan test nümunəsi götürüldüyünü bildirib.
"Koronavirusa yoluxma adı ilə Polad Aslanovu antisanitariya mənbəyi olan Tubzona köçürmək (vərəmli məhbusların saxlandığı cəzaçəkmə müəssisəsi) istəyirlər. Beləliklə, həm onu virus adı ilə öldürmək və ya məhkəmə prosesini onun iştirakı olmadan keçirmək istəyirlər,” Gülmirə Aslanova belə güman edir.
Ədliyyə Nazirliyinin Penitensiar Xidmətindən Polad Aslanovun səhhəti ilə hələlik şərh almaq mümkün olmayıb.
* Noyabrın 16-da xeberman.com saytının təsisçisi Polad Aslanov məhkəmə tərəfindən İranın xeyrinə casusluqda təqsirli bilinib və 16 il müddətinə azadlıqdan məhrum edilib. Dövlət ittihamçısı onun 17 il müddətinə azadlıqdan məhrum edilməsini istəyib.
Aslanov 2019-cu il iyunun 12-də həbs edilib və CM-in 274-cü (dövlətə xəyanət) maddəsi ilə ittiham olunub. İstintaq iddia edir ki, Aslanov jurnalist həmkarlarını cəlb edərək, İran xüsusi xidmətləri ilə əməkdaşlığa yönləndirib. Aslanov bütün ittihamları təkzib edib, xüsusi xidmət işçilərinin yol verdikləri korrupsiya faktlarını ifşa etdiyinə görə təqib edildiyini bəyan edib. Beynəlxalq təşkilatlar onun həbsini pisləyiblər və hökuməti onu azad etməyə çağırıblar.
Fevralın 1-də P.Aslanovun apellyasiya şikayətinə baxılmasına başlanıb.
İclasda o, prosesin obyektivliyinin təmin edilməsini tələb edərək, aclıq elan edib. -16B06-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz