Açiq mənbələrdən foto.
Bakı/05.06.20/Turan: Xeberman.com və Press-az.com saytların təsisçisi və redaktoru, istintaq altında olan Polad Aslanov Azərbaycanın baş prokuroru Kamran Əliyev və ombudsman Səbinə Əliyevaya müraciət edib.
O, istintaq zamanı hüquqlarının pozulmasından danışır. Əsasən qeyd edir ki, 2019-cu il iyunun 12-də Naxçıvana gedərkən Biləvuvar sərhəd məntəqəsində ailəsi ilə birlikdə saxlanılıb.
DTX əməkdaşları saxlanmanın səbəbini ona izah etməyiblər. Vəkil Elçin Sadıqovla yalnız iyunun 14-də məhkəmədən bir saat əvvəl görüş veriblər.
Ötən gecə Aslanova videokamera qarşısında etirafedici ifadə verməyə məcbur ediblər, onu azyaşlı uşağına, həyat yoldaşına və anasına zərər yetirəcəkləri ilə hədələyiblər. Aslanovun sözlərinə görə, ona qarşı yeganə “sübut” məhz bu “etirafdır”.
Aslanov hesab edir ki, 11 aydır ki, əsassız olaraq DTX istintaq təcridxanasında saxlanılır. Bu müddətdə müxtəlif dövlət orqanlarına müraciət edib. İstintaqın qanunsuz hərəkətləri barədə şikayəti üzrə araşdırma keçmiş baş prokuror Zakir Qaralov və onun müavini Rüstəm Usubovun vaxtında bağlanıb.
Aslanov yazır ki, prokurorluq tərəfindən istintaqın aparılmasına təkid edib, çünki DTX bu işdə maraqlı tərəfdir.
Aslanov hesab edir ki, Ağır Cinayətlər Məhkəməsində onun işinə baxan Faiq Qəniyev qəzərlidir, çünki uzun illər MTN-nin istintaq şöbəsində çalışıb.
10 iclas ərzində məhkəmə müdafiə tərəfinin 30 vəsatətdən heç birini təmin etməyib.
Aslanovun işi üzrə proses karantin rejimi ilə əlaqədar dayandırılıb və iyunun 8-də bərpa olunacaq.
Bununla əlaqədar Aslanov baş prokuror və ombudsmandan xahiş edir ki, işə obyektiv baxılsın və ədalətli qərar çıxarılsın.
* Polad Aslanov 2019-cu il iyunun 12-də saxlanılıb və CM-in 274-cü maddəsi (dövlətə xəyanət) ilə 4 ay müddətinə həbs edilib. İstintaqı Dövlət Təhlükəsizliyi Xidməti aparır. Oktyabrın 5-də jurnalistin həbs müddəti daha 4 ay uzadılıb.
Dekabrda ona qarşı CM-in 134-cü maddəsi (öldürməklə və ya sağlamlığa ağır zərər vurmaqla hədələmə) ilə daha bir ittiham irəli sürülüb. Lakin həmin maddə üzrə zərərçəkən hesab olunan Dəyanət Babayev fevralın 10-da şikayətdən imtina edib. -06B-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz