Həbsdə olan jurnalistin həyat yoldaşı Gürcüstanın baş nazirini qeyri-səmimilikdə ittiham edir
Bakı/12.04.19/Turan: Həbsdə olan jurnalist Əfqan Muxtarlının xanımı Leyla Mustafayeva cümə günü Vyanada "Jurnalistlərə hücum: KİV azadlığına təhlükə" konfransında təəssüflə bildirib ki, 2017-ci ilin mayında Tbilisidə həyat yoldaşının oğurlanmasının araşdırılması ilə bağlı irəliləyiş yoxdur.
O, hökumətin münasibət bildirmək üçün təhqiqatın başa çatmasını gözləməsi barədə Gürcüstanın baş nazirinin sözlərini səmimi saymayıb. L.Mustafayeva deyib ki bu yaxınlarda siyasi məhbuslar əfv edilib, ancaq Əfqanı buraxmayblar. Bu, o deməkdir ki, hakimiyyət Azərbaycanda korrupsiyanın ifşa edilməsini ona bağışlaya bilmir.
"Bizə həmişə hədə-qorxu gəliblər. Hələ 2011-ci ildə məni Bakıda polis məntəqəsinə apardılar və polisin narkodilerlərin fəaliyyətini araşdırmasına mane olmaqda ittiham etdilər. O vaxt Əfqan orduda korrupsiyanın araşdırılması ilə məşğul idi. Ona rüşvət təklif etdilər ki, bunu dayandırsın. O imtina etdikdə qohumlarına təzyiqlər başladı. Onun atası infarktdan öldü", - o deyib.
Sonra Leyla bildirib ki, Azərbaycanda həbslər başlayanda ailə Gürcüstana köçməyə məcbul olub. Əfqan orada da Azərbaycandakı korrupsiya araşdırmalarını davam etdirib. Məhz həmin yazılardan sonra Əfqan oğurlanaraq Azərbaycana aparılıb və orada həbs edilib.
Azərbaycanda tənqidçi mətbuat qalmayıb. Azərbaycanın müxalifətyönlü KİV-i hazırda xaricdən fəaliyyət göstərir, ancaq onlar ölkə daxilində hakimiyyət tərəfindən bloklanır.
L.Mustafayeva təəssüflə qeyd edib ki, Bakıdakı Qərb diplomatları belə siyasətə görə hakimiyyəti tənqid etmirlər.
Keçmiş prezidentin abidəsinin üzərini yazanlardan birini bu yaxınlarda azadlığa buraxıblar, ancaq bir müsahibədə baş verənlərə görə peşman olmadığını bildirəndən sonra yenidən həbs ediblər.
Azərbaycan hakimiyyətinin söz azadlığına əsl münasibəti, bax belədir", - L.Mustafayeva vurğulayıb. -0-
-
- Cəmiyyət
- 12 Aprel 2019 16:55
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz