Zamin Salayev
Bakı/24.02.23 Turan: Azərbaycan Xalq Cəbhəsi Partiyası Salyan rayon təşkilatının sədri Zamin Salayev 17 gündür ki, aclığı davam etdirir.
Cümə günü ona baş çəkən vəkil Nemət Kərimli Turan-a bildirib ki, Salayevin vəziyyəti kəskin pisləşib və qanaxma başlayıb.
"Buna baxmayaraq, Salayevi istintaq təcridxanasının tibbi-sanitariya hissəsinə köçürməyiblər, ona tibbi yardım göstərmirlər və əvvəlkitək ailəsilə ünsiyyətinə və görüşünü qadağan ediblər", - o deyib.
Fevralın 8-də Bakının Qaradağ Rayon Məhkəməsi Zamin Salayevi üç ay müddətinə həbs edib. Ona qarşı Cinayət Məcəlləsinin 221.3-cü maddəsilə (zərərçəkmişə qarşı silahdan istifadə) cinayət işi açılıb. Onu 5 ilədək həbs təhlükəsi gözləyir.
Daxili İşlər Nazirliyi bildirir ki, Salayev bıçaq xəsarəti yetirməkdə şübhəli bilinir.
Lakin Zamin Salayev məhkəmədə bildirib ki, o, heç kimə hücum etməyib, əksinə, özünü hücumdan müdafiə edib. "Lökbatanda taksi gözlədiyim zaman naməlum şəxs məni təhqir etdi və bıçaqla hücum etdi. Mən başa düşdüm ki, bu, təxribatdır və özümü müdafiə etməyə çalışdım, sonra hücum edəni itələdim və hadisə yerindən uzaqlaşdım. Bir neçə dəqiqədən sonra mülki geyimli polislər məni dayandırdılar və 4 polis maşınının müşayiətilə Qaradağ Rayon Polis İdarəsinə apardılar",- fevralın 20-də o, Bakı Apellyasiya Məhkəməsində hakimlərə bildirib.
Azərbaycan Xalq Cəbhəsi Partiyasında əmindirlər ki, Zamin Salayev sosial şəbəkələrdə hakimiyyətin kəskin tənqid etdiyinə görə cəzalandırılır. 02B
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Rəy yaz