![ABŞ Rusiyaya qarşı yeni geniş sanksiyalar tətbiq edir](https://turan.az/resized/media/2023/main/022400058867-750-500-resize.webp)
ABŞ Rusiyaya qarşı yeni geniş sanksiyalar tətbiq edir
Vaşinqton/24.02.23/Turan: Cümə günü Bayden administrasiyası Rusiyaya qarşı yeni sanksiyalar tətbiq edib ki, bu ölkə Ukraynaya təcavüz etdiyinə görə məsuliyyət daşısın, TURANın Vaşinqtondakı müxbiri xəbər verir.
Dövlət Departamenti Rusiyanın təcavüzündə, eləcə də işğal olunmuş Ukrayna ərazilərinin qanunsuz idarə edilməsində iştirak edən 60-dan çox fiziki və hüquqi şəxsi müəyyən edib. Onların arasında Rusiyanın hökumət nazirləri, qubernatorları və yüksək rütbəli məmurları ilə yanaşı, Ukraynanın işğal olunmuş ərazilərində fəaliyyət göstərən altı fiziki və üç hüquqi şəxs də var.
Bugünkü sanksiyalar həmçinin kəşfiyyat məlumatlarının toplanması üçün avadanlıq və proqram təminatı istehsal edən dörd fiziki şəxsə və 22 quruma da şamil edilir.
Bundan əlavə, Departament Rusiya nüvə silahlarını inkişaf etdirən və işlədən üç əsas müəssisəni, habelə Rosatom strukturunda üç Rusiya mülki nüvə müəssisəsini müəyyən edir.
Putinin müharibə aparmaq qabiliyyətini daha da zəiflətmək üçün Rusiyanın müdafiə müəssisələrini maliyyələşdirən banklara da sanksiyalar tətbiq edir.
Bundan əlavə, Ağ Ev cümə günü Rusiyadan gələn bir sıra mallar üçün tarifləri 70 faizə qədər qaldırıb.
Bu tədbirlər Kremlə gəlir gətirən əsas Rusiya malları ilə mübarizəyə yönəlib.
Bu gün Ticarət Nazirliyi İranın döyüş pilotsuz təyyarələrinin Rusiyaya tədarükü üçün Rusiya, Belarus və İrana ixrac məhdudiyyətləri qoyub.
Bundan əlavə, Çində bir sıra təşkilatlara Rusiya hərbi və ya müdafiə sənayesinə töhfələrinə görə sanksiyalar tətbiq edilir.
Nəhayət, Dövlət Departamenti Ukraynanın suverenliyini, ərazi bütövlüyünü və ya siyasi müstəqilliyini təhdid edən və ya pozan hərəkətlərə görə zabitlər də daxil olmaqla 1219 rusiyalı hərbçiyə viza məhdudiyyəti qoyur.
Rusiya hərbi rəsmiləri Artem Gorodilov, Aleksey Bulqakov və Aleksandr Vasilyev Ukraynanın mülki vətəndaşlarına və hərbi əsirlərə qarşı insan haqlarının kobud şəkildə pozulmasında iştirak etdiklərinə görə məsuliyyətə cəlb ediliblər. -0-
-
- Cəmiyyət
- 24 Fevral 2023 18:00
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz