Rusiya- Ukrayna müharibəsinin 1-ci ili; Bu müharibə dünyaya nəyi göstərdi? – Şahin Cəfərli Çətin sualda

Bakı/24.02.23/Turan:  Bu gün Rusiyanın Ukraynaya təcavüzündən bir il ötür. Ötən ilin fevralın 24-də Rusiya Prezidenti Vladimir Putin müraciətində Ukraynanın Donbas ərazisində xüsusi hərbi əməliyyat keçirməklə bağlı qərar verdiyini açıqlayıb və Rusiya Ukraynaya hərbi müdaxilə etməyə başladı.Rusiya qoşunları 4 əsas istiqamətdən - şimaldan Kiyev istiqamətində, şimal-şərqdən Xarkov istiqamətində, cənub-şərqdə Donbasdan və cənubda Krımdan Ukraynaya qarşı genişmiqyaslı hərbi əməliyyatlara start verdi. Ukrayna fevralın 24-dən sonra işğal olunan ərazilərinin 40 %-ni azad edib. Son rəqəmlərə görə, 1 il ərzində döyüşlər nəticəsində Rusiyanın 145 850 hərbçisi zərərsizləşdirilib.

Rusiya əmin idi ki, bir neçə saata Ukraynanı tam tutacaq, amma bu, baş vermədi. Əksinə, “daş qayaya rast gəldi”- deyə bilərik.  Siyasi ekspertlər isə Rusiyanın istəyinə nail ola bilməyəcəyini, tez bir zamanda geri çəkiləcəyini deyirdilər. Amma artıq bir ildir ki, Rusiya-Ukrayna arasında müharibə davam edir.

Ukrayna prezidenti  Volodimir Zelenski son müsahibəsində Ukrayna Krımı qaytarana qədər bütün sülh olmayacağını bildirib.

Bu müharibə dünyaya nəyi göstərdi?

Siyasi şərhçi Şahin Cəfərli Kamran Mahmudovun təqdimatında yayımlanan “Çətin sual” verilişində bu barədə danışır.