Həcc ziyarəti zamanı 1301 zəvvar olüb
Səudiyyə ərəbistanının səhiyyə naziri Fəhd ben Abdel Rəhman bildirib ki, Həcc zamanı 1301 zəvvar ölüb. Onların 83 faizinin vizası olmadığı üçün günəşdən qorunmağın mümkün olmadığı şəraitdə uzun məsafələri qət etməli olublar. Onlar Məkkədə dəfn ediliblər.
95 zəvvar xəstəxanalarda müalicə olunur, ölənlərin tanınması prosesi gecikib, çünki çoxunun sənədi olmayıb.
Ölənlərin arasında 660 nəfər misirli, 165 nəfər indoneziyalı, 98 nəfər hindistanlı, həmçinin İordaniya, Tunis, Mərakeş, Əlcəzair və Malayziya vətəndaşları, Rusiyadan yeddi nəfər və iki amerikalı var. Əksər hallarda ölüm ekstremal isti fonunda həddindən artıq fiziki tükənmə və susuzlaşma ilə əlaqədar baş verib.
Azərbaycandan Həcc ziyarətinə 1500-ə yaxın adam gedib. Qafqaz Müsəlmanları İdarəsinin məlumatına görə, Azərbaycan vətəndaşları arasında xəsarət alan yoxdur. Onlar 26 iyun-1 iyul arasında ölkəyə qayıdacaqlar.
Bu il Səudiyyə Ərəbistanında müqəddəs yerlərə ziyarət 14-19 iyun tarixlərində baş tutub. Həcc ziyarətində 1,8 milyon adam iştirak edib. Həmin günlərdə Məkkədə havanın temperaturu Selsi üzrə müsbət 46 + 51 dərəcə olub.
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz