Həftəsonu küləkli hava şəraiti gözlənilir

Şənbə günü Bakıda və Abşeronda hava əsasən yağıntısız olacaq, gecəyə yaxın bəzi yerlərdə qısamüddətli yağışlar gözlənilir, arabir güclənən şimal-qərb küləyi əsəcək.

Havanın temperaturu gecə +20 +24 dərəcə, gündüz +28 +32 dərəcə isti təşkil edəcək, xəbəri Ekologiya Nazirliyinin Milli Hidrometeoroloji Proqnozlar departamenti yayıb.

Abşeron çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada +22 +23 dərəcə, Buzovna, Mərdəkan, Şüvəlanda +23 +24 dərəcə, Türkan, Hövsan, Sahil və Şıxova +24 +25 dərəcə təşkil edəcək.

Bazar günü hava şəraitində əhəmiyyətli dəyişikliklər gözlənilmir.

Ölkənin bəzi rayonlarında yağış yağacaq, bəzi yerlərdə leysan xarakterli olacaq.

Havanın temperaturu aran rayonlarında +31 +35 dərəcəyə qədər yüksələcək.

İyulun 2-3-də Abşeron yarımadasında güclü xəzri şimal küləyi meteohəssas insanlarda narahatlıq yarada bilər. Amma havanın temperaturunun bir qədər aşağı düşməsi müsbət amildir, deyə sinoptiklər qeyd edir. -16D-