Həlak olan 10-cu neftçinin cəsədi tapılıb (YENİLƏNİB)

Dekabrın 4-də həlak olan 10-cu neftçinin cəsədi Türkmənistan sahillərində tapılıb.

Ötən gün Azərbaycan FHN 9-cu mərhum Əzizağa Quliyevin cəsədinin tapıldığını bildirib. Bu gün isə Adil Abdullayevin cəsədinin tapıldığı bildirilib.

Yanvarın 4-də FHN-in təyyarəsi istintaq qrupu və SOCAR-ın  işçiləri ilə birlikdə cəsədlərin götürülməsi üçün Türkmənistana yola düşüb.

Xatırladaq ki, dekabrın 4-də “Günəşli" yatağındakı platformada baş vermiş qəza nəticəsində 30 nəfər itkin düşüb. Hazırda 20 nəfər itkin düşmüş var.-03D-  

2016 Yanvar 04 (Bazar) 00:44:45

“Günəşli” yatağındakı 10 saylı dərin dəniz özülündə baş vermiş qəza nəticəsində itkin düşənlərdən daha birinin meyiti yanvarın 3-də Xəzər dənizinin Türkmənistan sektorunda aşkar edilmişdir.

Azərbaycan Respublikasının Fövqəladə Hallar Nazirliyinin Xəzəryanı ölkələrin müvafiq qurumlarına müraciətindən sonra aparılan axtarış-xilasetmə işləri zamanı Xəzər dənizinin Türkmənistan sahillərindən 65 km uzaqlıqda  “Kursor” gəmisi  kişi cəsədi aşkar etmişdir. Dərhal yaxınlıqda olan  Türkmənistana məxsus “Topaz Leqenda” gəmisinə məlumat ötürülmüş və cəsəd borta alınaraq Kiyanlı dəniz limanına aparılmışdır.  Cəsədin üzərində olan xilasedici qeyimində “Azneft“ yazısı müəyyən edilmişdir.

Əlavə məlumat veriləcəkdir. Xəbəri FHN yayıb.-0-