Bakı/17.05.18/Turan: Həlak olan alpinistlərin cəsədləri çadırda tapılıb. Bu barədə FHN axtarış qrupunun rəhbəri Toğrul Mehdiyev jurnalistlərə bildirib.
İlkin rəyə görə, onlar çadırda istirahət vaxtı gözlənilmədən qar uçqununa düşüblər. Dörd aydan çox vaxt keçsə də meyitlər tanınan halda olub. Əvvəlcə Babur Hüseynov, sonra isə Fəridə Cəbrayılzadə və Namin Bünyatov tapılıb.
Qarın səviyyəsi azaldığından alpinistlərin olduğu yeri müəyyənləşdirmək üçün bəzi ipucuları ortaya çıxıb.
Xilasetmə qrupunun komandiri Anar Alxanov bildirib ki, alpinistlərin meyitləri qarın 4 metr dərinliyində aşkar olunub.
Xatırladaq ki, aplinistlər mayın 16-da saat 18:00-da aşkar ediliblər.
Meyitlər tibbi ekspertizadan keçirilmək üçün Quba Rayon Mərkəzi Xəstəxanasının morquna gətirilib. Bundan sonra doğmalarına verilib.
Yaxınlarının və doğmalarının sözlərinə görə, N.Bünyadov Şəmkirdə, F.Cəbrayılzadə Masallıda, B.Hüseynov Astara rayonunda dəfn ediləcək.
Xatırladaq ki, alpinistlər 2017-ci il dekabrın 23-də Tufandağa ekspedisiyaya çıxıblar. İki gündən sonra onlarla əlaqı kəsilib.
Alpinizm qaydalarının açıq şəkildə pozulmasına baxmayaraq, indiyədək baş verənlərə qiymət verilməyib.-02B-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz