Açiq mənbələrdən foto.
Bakı/07.01.22/Turan: Azərbaycanın hərbi təqaüdçüləri prezident İlham Əliyevin ünvanına Əmək və Əhalinin Sosial Müdafiəsi Nazirliyinin (ƏƏSMN), onların fikrincə, destruktiv olan siyasətinə müdaxilə etmək xahişi ilə açıq məktub mətnini hazırlayıblar və imza toplayırlar. Hərbi təqaüdçülər hesab edirlər ki, ƏƏSMN qəsdən cəmiyyətdə gərginlik, dövlət və orduda xidmət etmiş zabitlər arsında təfriqə yaradır. Onlar 1 yanvar 2022-ci il tarixindən etibarən on minlərlə Azərbaycan vətəndaşının pensiyalarında artımın hərbi təqaüdçüləri əhatə etmədiyini xatırladırlar.
Müraciət müəllifləri ƏƏSMN-nin hərbi təqaüdçülərin hüquqlarını pozacaq qanun hazırladığını bildirirlər. 2006-cı ildə qəbul edilmiş qanunda həm hərbi təqaüdün, həm də hərbi qulluqçuların təminat xərcliyinin ölçüsünün illik indeksasiyası (inflyasiyadan asılı olaraq) nəzərdə tutulurdusa, hazırlanan qanun layihəsində təminat xərcliyinin illik indeksasiyasından söhbət getmir. Üstəlik, hərbi təqaüdçülərin təminat xərcliyinin ləğv edilməsi təklif olunur, deyə bu kateqoriyadan olan vətəndaşlar bildirirlər.
Onlar 1992-ci ildə qəbul edilmiş "Hərbi təqaüdçülərin pensiya təminatı haqqında" qanunun bu vətəndaşların sosial hüquqlarını 2006-cı ildə qəbul edilmiş, hərbi təqaüdçülər haqqında müddəalar daxil edilmiş "Əmək pensiyaları haqqında" qanundan daha yaxşı qoruduğunu qeyd edirlər. Nazirlikdə hazırlanan qanun layihəsi isə hərbi təqaüdçülərin hüquqlarını qorumur.
Müraciət müəllifləri prezidentdən ƏƏSMN-in bir tərəfdən dövlət və digər tərəfdən fəaliyyətdə olan və ehtiyata buraxılmış hərbi qulluqçular arasında gərginlik yaratmaması üçün bu quruma müdaxilə etməyi xahiş edirlər. Nazirliyin on minlərlə ölkə vətəndaşının hüquqlarını pozan qanun layihəsi hazırlamaqdan imtina etməsini istəyirlər.
Müraciətin imzalanmış surəti Milli Məclisə, Ombudsman Aparatına, ƏƏSMN-yə və Müdafiə Nazirliyinə göndərilib.
Ertəsi gün (yanvarın 7-də) əmək və əhalinin sosial müdafiəsi nazirinin ictimaiyyətlə əlaqələr üzrə köməkçisi Fazil Talıbov hərbi təqaüdçülərin müraciətinə cavab verib. O, müraciətin təşəbbüskarını - Üzeyir Cəfərovu qəsdən cəmiyyətdə gərginlik yaratmaqda ittiham edib. Buna cavab olaraq Cəfərov ƏƏSMN başçısından yüz minlərlə insanın əmək haqqını və pensiyasını artıran nazirliyin hərbi təqaüdçüləri niyə unutduğunu soruşub. Cəfərov nazirin köməkçisinə ifadələrini seçərkən diqqətli olmağı məsləhət görüb. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz