Bakı/31.07.17/Turan: Ekologiya və Təbii Sərvətlər Nazirliyinin "Azərbaycan yaşıllaşdırma və landşaft quruluşu" Açıq Səhmdar Cəmiyyəti büdcə vəsaitlərinə dair proqnozlar tərtib edərkən əsas fəaliyyəti üzrə qulluq göstərilən yaşıllıq sahələri əvvəlki illərin faktiki göstəricisinə nisbətən kəskin fərqlə çox göstərib. Bu barədə Hesablama Palatasının 2015-ci il yanvarın 1-dən bu il yanvarın 1-dək olan dövrdə dövlət büdcəsindən Ekologiya və Təbii Sərvətlər Nazirliyinin "Azərbaycan yaşıllaşdırma və landşaft quruluşu" Açıq Səhmdar Cəmiyyətinə ayrılan vəsaitlərin proqnozlaşdırılması və istifadəsi vəziyyəti ilə bağlı həyata keçirilmiş auditin nəticələri barədə məlumatında deyilir.
Hesablama Palatası bildirir ki, Səhmdar Cəmiyyətdə xərclərə olan proqnoz məbləğləri ötən illərin icra məbləğlərindən çox hesablanıb, büdcə vəsaitinin istifadəsi üzrə əməyin ödənişi ilə bağlı vahid tarif cədvəli üzrə dərəcələrə görə müəyyən olunmuş məbləğlərdən artıq vəsaitlər proqnozlaşdırılıb və icra edilib, büdcə vəsaitlərinə artıq tələbat yaradılıb.
"Cəmiyyətin tabeliyində yaşıllaşdırma idarələri tərəfindən salınmış yaşıllıq ərazilərində suvarma və damcılı suvarma sistemlərinin quraşdırılması və s. görüləsi işlər 2015-2016-cı illərdə funksional fəaliyyətinə aid olmayan digər idarələrə verilib".
Palata bəzi nöqsanlara yol vermiş şəxslərin barəsində tədbirlərin görülməsi məqsədilə qərarın surətini nazirliyə və adı çəkilən ASC-yə göndərib.
Hesablama Palatasının məlumatına görə, audit adı çəkilən ASC-nin idarə aparatında və seçmə qaydada tabeli idarələrində həyata keçirilib, bütünlükdə 18631,2 min manat vəsaiti əhatə edib.
Öz növbəsində "Azərbaycan Yaşıllaşdırma və Landşaft Quruluşu" Açıq Səhmdar Cəmiyyəti Hesablama Palatası tərəfindən yayılan hesabata dair açıqlama yayıb.
"Aparılan auditin nəticəsində maliyyə pozuntusu faktı qeydə alınmayıb, yeyinti və mənimsəməyə yol verilməyib, bəzi xırda qüsurlar müşahidə edilib ki, bununla bağlı Palata tərəfindən Cəmiyyətə tövsiyə xarakterli göstərişlər verilib və həmin qüsurlar yoxlamanın gedişində aradan qaldırılıb"-deyə açıqlamada vurğulanır.
ASC-nin açıqlamasında deyilir ki, müəyyən olunan bəzi qüsurlar nəzəri göstərişlərlə praktik işdə yaranan uyğunsuzluqlardır və aradan qaldırılması asan olan məsələlərdir.
Yaşıqllıq sahələrinin , pronozların artıq göstərilməsinə cavab verən ASC rəhbərliyi bütün işlərin normativlərlə görüldüyünü, büdcə proqnozlarının bu sahələrə uyğun olduğunu bildirir, yaşıllıqlar artdığı üçün proqnozların da artdığı deyilir.
Şatat cədvəlləri təsdiq edilərkən vahid yanaşmanın olmaması isə bağbana düşən xidmət sahəsinin fərlqi olması ilə əlaqələndirilir.
ASC Palatanın bəzi rayon icra hakimiyyətlərinin sərəncamları əsasında xidmət göstərdiyi bəzi sahələr üzrə büdcə vəsaitlərinin xərclənməsində müəyyən risklər yaranması iradı ilə bağlı bildirir ki, ASC-yə ancaq magistral avtomobil yollarının ətrafında yaşıllıq zolaqlarının salınması tapşırılıb, öz balansında torpağı yoxdur.
ASC Palatanın qeyd etdiyi bitiş faizinin normadan 3,2% az olmasını ciddi qüsur saymır və bir çox qüsurların isə audit yoxlaması dövründə aradan qaldırıldığını bildirir.--0--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz