Bakı/27.11.19/Turan: Oqtay Gülalıyevin durumu ağır olaraq qalır. Birinci dərəcəli ağır komadadır. Səhhətində hələ heç bir irəliləyiş yoxdur. Həkimlər artıq onu palataya köçürüblər.
Bu barədə hüquq müdafiəçisinin həyat yoldaşı Füruzə Gülalıyeva bildirib.
Hüquq müdafiəçisi Oqtay Gülalıyev oktyabrın 29-da Bakıda avtomobil vurduqdan sonra ağır kəllə-beyin travması alıb. Həkimlər beyinə qansızma diaqnozu qoyublar.
Oktyabrın 30-da o, beyindən gematomanın çıxarılması üzrə əməliyyat olunub.
Noyabrın 5-də birinci vitse-prezident Mehriban Əliyevanın tapşırığı ilə Heydər Əliyev Fondu hüquq müdafiəçisinin müalicəsi ilə bağlı məsələlərin həllini öz üzərinə götürüb.
Bundan sonra komada olan Oqtay Gülalıyev noyabrın 6-da Bakıdan AZAL-ın xüsusi ambulans təyyarəsi ilə Türkiyəyə aparılıb və İstanbulda Avrasiya Xəstəxanasına yerləşdirilib.
Oqtay Gülalıyevin oğlu Təbriz Gülalıyev Avrasiya xəstəxanasının həkimlərinin son rəyinə istinadən bildirib ki, atasının komadan ayılması 6 aydan 1 ilədək çəkə bilər.
“Həkimlərin bildirdiyinə görə, atamın bəyin hüceyrələrindən üçü sıradan çıxıb. Bu, o deməkdir ki, atam yaşadığı müddətdə hərəkət edə, danışa bilməyəcək. Ancaq reaksiyasız olaraq gözləri açıq olacaq”, deyə Təbriz Gülalıyev qeyd edib.
Noyabrın 19-da hüquq müdafiəçisi İstanbulda yerləşən "Amerika xəstəxanası"na (Amerikan Hastanesi) köçürülüb.
Noyabrın 22-də onun beynində növbəti neyrocərrahiyyə əməliyyatı aparılıb. Bundan sonra da səhhətində irəliləyiş qeydə alınmayıb.
Füruzə Gülalıyevanın sözlərinə görə, "Amerika Xəstəxanası"nın həkimləri də Oqtay Gülalıyevin səhhəti ilə bağlı hələ bir proqnoz vermir.
“Deyirlər ki, Azərbaycanda cərrahi əməliyyat son durumda edilib. Başında zədələr var. Həkimlərin özü də nə olacağını bilmir”.
O, Heydər Əliyev Fondunun "Amerika Xəstəxanası"nda xərcləri yalnız 20 gün ödəyəcəyini bildirib.
“Oqtay Avrasiya Xəstəxanasından Amerika Xəsətxanasına köçürüləndə Heydər Əliyev Fondunun nümayəndəsi bu xəstəxanada xərclərin yalnız 20 gün qarşılanacağı barədə bizdən yazılı xəbərdarlıq götürdü. Onlar 20 gündən sonra Oqtayı Azərbaycana qaytaracaqlarını bildiriblər. İndi 11 günümüz qalıb”, deyə o qeyd edib. -03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz