Hilal Məmmədov ictimai dəstək qazanır

“Talişi sədo” qəzetinin həbsdə olan redaktoru Hilal Məmmədovun Hüquqlarını Müdafiə Komitəsi çərşənbə axşamı onun işi üzrə geniş dinləmələr keçirib.

Dinləmələr H.Məmmədovun iyunun 21-də Nəsimi polisi tərəfindəın saxlanılan zaman işgənclərə məruz qalması haqda məhkəmə iddiasına həsr edilib. Dinləmələr zialıların, siyasi partiyaların, ictimai qurumların təmsilçilərinin iştirakı ilə Müsavat partiyasının qərargahında keçirilib.

Komitə toplantı işitarkçılarına istintaqın gedişi və iki ay ərzində H.Məmmədovun hüquqlarının müdafiəsilə bağlı atdığı addımlar haqda məlumat verib.

Helsinki Vətəndaş Assambleyası Milli komitəsinin sədri Arzu Abdullayeva qeyd edib ki, idtintaqın gedişi müdafiə komitəsini H.Məmmədova qarşı narkotika saxlamaq ittihamının saxta olmasına daha çox inandırıb. Bu gün istintaqın müddəti rəsmi başa çatdıqdan sonra Astara, Lənkəran və Masallı yaronlarında H.Məmmədova qarşı təzyiq vasitəsilə yerli sakinlərdən ifadə alınır.

Rəssam-karikaturaçı Mətləb Dadaşov H.Məmmədovun həbsinin səbəblərinə toxunaraq ölkənin cənub regionunda vətəndaşların mədəni və sosial-iqtisadi hüquqlarını müdafiə edən ictimai fəalların və jurnalistlərin daha çox təzyiqlərə məruz qaldığını nəzərə çatdırıb.

H.Məmmədovun talışların hüquqlarını müdafiə etməsini önə çəkən natiqlər bu həbsin həm də etnik çalara malik olduğunu gizlətməyiblər. İqtidarın milli siyasətini ittihama məruz qoyan Müsavat partiyası başaqanı İsa Qəmbər hər bir etnik qrupun  ana dilində özünü ifadə hüququna malik olmasını qeyd edib. “Əgər talışlar öz dillərini və mədəniyyətini inkişaf etdirə bilməyəcəksə onlar azərbaycan xalqının mədəniyyətinə hansı tövhəni verə bilərlər”-deyə Müsavat lideri qeyd edib.

Qadin Hüquqlarını Müdafiə cəmiyyətinin sədri Novella Cəfəroğlu bu işi etnik kontekstə bağlmamağa çağraraq Azərbaycanda insanların etno-mənsəbindən aslı olmayaraq bütün insanların hüquqlarının tapdandığını bildirib.

A.Abdullayeva bütün etnik qrupların ictimai dialoqunu təşkil etmək üçün “Azərbaycan Evi”nin fəaliyyətini bəırpa etmək palnı haqda danışıb.

 Toplantı iştirakçıları 53 yaşı tamam olan H.Məmmədova təbrik imzalayıblar, habelə həmrəylik nümayişi olaraq avqustun 29-da qapalı məhkəmə prosesi keçirilməsi nəzərdə tutulan Nəsimi rayon məhkəməsinin önünə toplaşmaq barədə qərar qəbul ediblər. Həmçinin H.Məmmədov üzərində məhkəmə prosesinin açıq rejimdə keçirilməsinə nail olmaq haqda qərar qəbul edilib.

“Talişi sədo” qəzetinin baş redaktoru və Talış Mədəniyyət Mərkəzinin sədr müavini H.Məmmədov 2012-ci il iyunun 21-də qanunsuz narkotik vasitə saxlamaq ittihamı ilə həbsə alınıb. İyulun 4-də isə ona qarşı 274-cü maddə ilə (dövlətə xəyanət) və 283.2.2. (milli, irqi, sosial və dini inifrət, düşmənçilik və etnik ayrı-seçkilik) yeni ittihamlar irəli sürülüb.

Yerli və beynəlxalq demokaritk ictimaiyətin əqidəsinə görə H.Məmmədov fəal vətəndaş mövqeyinə və hüquq müdaiə fəaliyyətinə görə siyasi əsəslı təqiblərə məruz qalır. 

Məmmədov İnternetdə populyar olan "Tı kto takoy? Davay, do svidaniya" videoçarxının müəllifidir. -0-