Nəqliyyatçılar ayrılan vəsaitin yarıdan çoxunu mənimsəyiblər

Birinci yarımildə nəqliyyatçılar Azərbaycan büdcəsində və beynəlxalq maliyyə institutları ilə bağlanmış müqavilələrdə nəzərdə tutulan bütün investisiyaların 62,48%-ni mənimsəyiblər. 

Nəqliyyat Nazirliyinin məlumatına görə, yanvar-iyun aylarında ölkədə yol-nəqliyyat infrastrukturunun yaxşılaşdırılması 900, 83 mln. manata başa gəlib. Dekabrın sonunadək yol-nəqliyyat kompleksinin təkmilləşdirilməsi və saxlanması məqsədilə 1 mlrd. 

441,8 mln. manat xərclənməlidir.

Büdcə nəqliyyat fondundan avtomobil yollarının əsaslı təmirinə artıq 11,2 mln. manat ayrılıb. Parlament hökumət strukturları tərəfindən fondun xeyrinə illik cəmi 180 mln. manatın köçürülməsini nəzərdə tutub.

“Bakı şəhər nəqliyyat” MMC və Nəqliyyatın İntellektual İdarə Olunması Mərkəzi də diqqətdən kənarda qalmayıb. Onlar 5,8 mln. manat həcmində limitin 2,5 mln. manatını mənimsəyiblər.

Yanvar-iyun aylarında respublikanın avtomobil yollarının saxlanması və inkişafı üçün xərclər  855,4 mln. manat təşkil edib. 225,2 km. avtomobil yolu inşa edilib. Bunun  58,5 km-i respublika təyinatlı, 166,7 km.-i yerli təyinatlıdır. Həmçinin 6 körpü tikilib.17D—