Hilal Məmmədov müvəqqəti azadlığa buraxılıb
Həbsdə olan “Tolışi sado” qəzetinin baş redaktoru Hilal Məmmədov oktyabrın 24-də qızının toyunda iştirak etmək üçün müvəqqəti azadlığa buraxılıb. Bu barədə Turan-a H.Məmmədovun qardaşı Səbahəddin Məmmədov bildirib. H.Məmmədov oktyabrın 23-də buraxılıb. Oktyabrın 24-ü axşamdan keçənə qədər azadlıqda olacaq. Ola bilsin ki azadlıqda olma müddəti daha iki gün uzadılsın.
Oktyabrın 22-də hakimiyyət və vətəndaş cəmiyyəti nümayəndələrinin iştirakı ilə keçirilən işçi qrupunun iclasında hüquq müdafiəçiləri H.Məmmədovun qızının toyunda iştirakı ilə bağlı icazə barədə vəsasət qaldırıblar.
İnsan Hüquqları və Qanunçuluq Bürosunun rəhbəri Səidə Qocamanlı bildirib ki, H.Məmmədovun üç sutkalığa azad edilməsi barədə razılıq əldə olunub.
* Hilal Məmmədov 2012-ci ilin iyunun 21-də həbs olunub. 2013-cü il sentyabrın 27-də Bakı Ağır Cinayətlər Məhkəməsi onu 5 il azadlıqdan məhrum edib. H.Məmmədov dövlətə xəyanətdə, millətlərarası ədavəti qızışdırmaqda və narkotik maddə alverində ittiham olunur. H.Məmmədov bütün ittihamları rədd edrəək siyasi motivlərlə təqib olunduğunu bildirib. Amnesty İnternational onu “vicdan məhbusu” hesab edib.06D--
-
- Cəmiyyət
- 23 Oktyabr 2014 19:28
Cəmiyyət
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
Rəy yaz