Açiq mənbələrdən foto.
Hüquq müdafiəçiləri polisin qanunsuz hərəkətindən prokurorluğa şikayət verəcək
Bakı/18.02.22/Turan: "Müdafiə Xətti" hüquq müdafiə təşkilatının icraçı direktoru Rüfət Səfərov və həmtəsisçi Zaur Əkbər polisin qanunsuz hərəkətindən Nərimanov rayon Prokurorluğuna şikaəy verəcək.
Rüfət Səfərov Turan-a bildirib ki, dünən, fevralın 17-də axşam saatlarında Nərimanov rayon Polis İdarəsində fiziki zorakılığa, təhdid və təhqirlərə məruz qalıblar.
"Hazırda Zaur Əkbərin səhhəti normal deyil. O, polisin fiziki zorakılığından sonra gecə ərzində kəskin ağrılardan əziyyət çəkib. İndi Zaur Əkbər həkim müayinəsindən keçir", deyə o qeyd edib.
Dünən axşam saatlarında hüquq müdafiəçiləri Rüfət Səfərov və Zaur Əkbər Bakının Nərimanov rayon Polis İdarəsində saxlanılaraq fiziki təzyiqlərə məruz qaldıqlarını bildiriblər. Facebook platformasında yayılan canlı yayımda da hüquq müdafiəçilərinin güc tətbiq edilərək polis idarəsinə aparıldığı nümayiş olunub.
Buna səbəb hüquq müdafiəçilərinin fevralın 17-də yük avtomobilləri ilə Bakının əsas magistralı olan Heydər Əliyev prospektini bağlayan şirkət rəhbəri Rəmiş Cəfərovun saxlanılması barədə polis idarəsindən məlumat almaq istəyi olub.
Saxlanılan şəxsin atası Zəkran Cəfərovla birlikdə hüquq müdafiəçiləri polis idarəsinin qarşısına gəlib. Lakin polis hüquq müdafiəçilərini zorla polis idarəsinə aparıb.
Hüquq müdafiəçiləri polis idarəsində qəbul ediliblər. Onlar sərbəst buraxıldıqdan sonra bildiriblər ki, Zaur Əkbəri yerə yıxaraq təpiklə vurublar. Onları təhqir ediblər və hədələyiblər.
Saxlanılan şəxsin atası jurnalistlərə bildirib ki, günorta saatlarında mülki geyimli 15-ə yaxın şəxs onun evinə soxularaq oğlunu tutub aparıblar. Eyni zamanda, bütün ailə üzvləri, o cümlədən yaşlı valideynlər və azyaşlı uşaqlar fiziki zorakılığa məruz qalıblar.
"Mülki geyimlilər hasarın üstündən aşıb, damdan düşüb, sanki terrorçunu tuturdular. Onlar sənəd təqdim etmədi və heç nə izahat vermədi. Evimizdəki təhlükəsizlik kameralarının yaddaş kartını da oğurlayıblar. Sonra bizim qonşuların evlərindəki eyni kartları aparıblar. Bu, tam özbaşınalıq və qanunsuzluqdur", deyə həbs edilən sürücünün atası Zəkran Cəfərov bildirib.
Hüquq müdafiəçiləri Daxili İşlər naziri Vilayət Eyvazovdan təqsirkarların cəzalandırılmasını tələb ediblər. Onlar polisin hərəkətindən prokurorluğa şikayət edəcəklərini bildiriblər.
Öz növbəsində, Daxili İşlər Nazirliyinin mətbuat xidməti belə bir hadisənin olmadığını bildirib. -03-
-
- Cəmiyyət
- 18 Fevral 2022 15:36
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 251
Rəy yaz