Azərbaycan İnsan Hüquqları Evinin tərəfdaşları İnsan Hüquqları Evləri Şəbəkəsinin dəstəyi ilə dekabrın 6-7-də Bakıda Hüquq Müdafiəçilərinin İkinci Forumu keçiriləcək. Forum dekabrın 6-da saat 10.30-da Novxanıdakı AF hoteldə açılacaq.
Hüquq Müdafiəçilərinin İkinci Forumuna Azərbaycanın müxtəlif regionlarından 80-dan çox hüquq müdafiəçisi, 20-dən çox beynəlxalq təşkilatın və Azərbaycanda akreditə olunmuş səfirliklərin nümayəndələri qatılacaq.
Forumun əsas məqsədi insan hüquqları sahəsində dəyərlərin cəmiyyətdə, xüsusilə regionlarda və gənclər arasında təbliği, gənclərin insan hüquqlarının müdafiəsi prosesinə daha fəal cəlb olunmasının təmin edilməsi, insan hüquqları müdafiəçilərinin rastlaşdığı problemlərin müəyyənləşdirilməsi və onların həlli istiqamətində dövlət orqanlarının, beynəlxalq təşkilatların və vətəndaş cəmiyyəti qurumlarının səylərinin əlaqələndirilməsi və daha da gücləndirilməsidir.
Forumun yekunu olaraq Tövsiyələr Paketi və onların reallaşdırılması ilə bağlı konkret strategiyalar müəyyənləşdiriləcək.
Xatırladaq ki, Hüquq Müdafiəçilərinin Birinci Forumu 5-6 oktyabr 2012-ci ildə keçirilib. Foruma Bakıdan və regionlardan olan 50-dən çox hüquq müdafiəçisi qatılıb.-03D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz