Açiq mənbələrdən foto.
Bakı/05.08.20/Turan: “Azərbaycan Siyasi Məhbuslarına Azadlıq” İttifaqı avqustun 5-də yenilənmiş siyasi məhbus siyahısını dərc edib. Siyahıda 192 nəfərin adı var. Siyasi məhbusların sayı son üç həftə ərzində müxalifətçilərin kütləvi həbsləri ilə əlaqədar kəskin şəkildə artıb.
Belə ki, 36 yeni siyasi məhbus ictimai asayişi pozmaqda və hakimiyyəti ələ keçirmək cəhdində ittiham olunan AXCP üzvləri və digər şəxslərdir.
Siyahı AŞPA-nın 2012-ci il tarixli 1900 saylı qətnaməsində yer alan “siyasi məhbus” anlayışının meyarlarına uyğun olaraq tərtib edilib.
Siyahını Sülh və Demokratiya İnstitutunun direktoru Leyla Yunus (keçmiş “vicdan məhbusu”) və “Siyasi Məhbusların Monitorinqi Mərkəzi” İctimai Birliyinin rəhbəri Elşən Həsənov (keçmiş “vicdan məhbusu”) tərtib ediblər.
Siyahı 9 qrupdan ibarətdir:
1 - jurnalistlər və blogerlər - 8 nəfər
2 - müxalif partiya və hərəkatların üzvləri - 11 nəfər
3 - 14-15 iyul 2020-ci il mitinqindən sonra həbs edilənlər - 36 nəfər
4 - MTN-dəki cinayətlərin qurbanları - 1 nəfər
5 - dindarlar - 51 nəfər
6 - girovlar - 1 nəfər
7 - Tərtər işi ilə bağlı həbs edilənlər - 25 nəfər
8 - Gəncə işi ilə bağlı həbs edilənlər - 45 nəfər
9 - ömürlük məhbuslar - 14 nəfər. -02D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz