Açiq mənbələrdən foto.
Bakı/12.04.21/Turan: Sumqayıtdakı “Karvan” Ticarət Mərkəzinin icarədarları aprelin 12-də mərkəzin önündə aksiya keçiriblər.
Özünü təqdim etməyən mərkəzin qadın icarədarının sözlərinə görə, aksiyanın məqsədi dükanlarının açılmasına nail olmaq, fəaliyyət göstərməkdir: “Dükanlarımız bağlı, oturmuşuq evdə, gəlirimiz yox. Bu yandan da polis, icra hakimiyyətinin əməkdaşları toplaşıb sözümüzü deməyə imkan vermirlər. Bizim nə icra hakimiyyətindən, nə Ticarət Mərkəzi rəhbərliyindən hər hansı tələbimiz yoxdur, yeganə istəyimiz dükanlarımızı işlətməyə icazə verilməsinə razılıq almaqdır”, deyə xanım icarədar bildirir.
Digər qadın icarədar deyir ki, pandemiya ilə bağlı bir ildən çoxdur ki, Ticarət Mərkəzi bağlıdır, hamı işsiz vəziyyətdədir və hamı işləmək istəyir.
Amma polislərin əraziyə gəlməsilə icarədarlar jurnalistlərə açıqlama verməkdən yayınırdılar. -05B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz