Maqsud Əliyev
Bakı/21.08.22/Turan: Avqustun 16-da ictimai fəal Maqsud Əliyev Binəqədi Rayon Polis İdarəsinin 40-cı bölməsinin əməkdaşları tərəfindən saxlanılıb və inzibati qaydada 30 sutka həbs edilib. O, polisə tabe olmamaqda ittiham olunub. Bu barədə Turan-a fəalın atası Faiq Əliyev bildirib.
Onun sözlərinə görə, fəalın saxlanılması ilə bağlı ailəyə məlumat verilməyib. Ata oğlunun saxlanılmasını onun dostlarından öyrənib.
Atanın sözlərinə görə, fəal avqustun 12-də Azərbaycan Xalq Cəbhəsi Partiyasının sədri Əli Kərimliyə prezident İlham Əliyevin haqqında verdiyi suala görə təqib olunur. Bu, Caspian PlatForum İnternet- platformasında “Demokratik dəyişikliklər üçün insan resursları” mövzusunun müzakirəsi zamanı baş verib.
“Müdafiə xətti" hüquq- müdafiə təşkilatı fəalın həbsini pisləyib və onun işini nəzarətə götürüb. Maqsud Əliyevin hüquqlarının müdafiəsinə Vəkil Nemət Kərimli cəlb edilib. Bazar ertəsi vəkil onunla görüşməyə çalışacaq.
Həbsdən apellyasiya şikayəti veriləcək, "Müdafiə xətti"nin direktoru Rüfət Səfərov bildirib.
Öz növbəsində Daxili İşlər Nazirliyi Maqsud Əliyevin “hansısa suala görə” həbs edilməsilə bağlı deyilənləri əsassız adlandırıb. 03В06
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz