Açiq mənbələrdən foto.
Bakı/04.06.22/Turan: Dünən ictimai fəal Rəbiyyə Məmmədovanın anası fiziki hücuma məruz qalıb. Qadına bədən xəsarətləri yetirilib.
Rəbiyyə Məmmədovanın Turan-a verdiyi məlumata görə, 59 yaşlı anası Bəsti Məmmədova Binəqədi Mənzil-Kommunal və Texniki Xidmət Sahələrinin 102 saylı Mənzil-İstismar Sahəsində (MİS) süpürgəçi işləyir və son vaxtlar iş yoldaşı tərəfindən bullinqə məruz qalırdı.
"Neçə müddətdir bu qadın anama mənim fotoşəkillərimi, sosial şəbəkələrdəki videoları göstərib onu "tədbir görmədiyinə" görə qınayırdı. O, anama deyirdi ki, "sənin qızın fahişədir, lesbiyandır, dövlətə qarşı çıxır, sən isə tədbir görmürsən", deyə Məmmədova bildirib.
Onun sözlərinə görə, iyunun 3-də axşam saat 6 radələrində iş yoldaşı MİS-in geyinmə otağında Bəsti Məmmədovaya hücum edib.
Aqressiv qadın Bəsti Məmmədovanın əlindən çantasını alıb və onu döyməyə, saçlarını yolmağa başlayıb.
"Anamın dizində problem olduğunu bilən qadın məhz onun dizinə təpik vurub", deyə R.Məmmədova qeyd edib.
MİS-in digər əməkdaşları şiddət qurbanını aqressiv qadının əlindən güclə alıblar.
"Onlar anama fiziki hücum vasitəsilə mənə təzyiq göstərirlər. Bu yolla mənim ictimai və hüquq müdafiə fəaliyyətimə son qoymağımı istəyirlər", deyə R.Məmmədova bildirib.
Fəal deyib ki, anasına hücumla əlaqədar Binəqədi rayon Polis İdarəsinin 5-ci polis bölməsinə ərizə veriblər və şənbə gününə zərərçəkmişin tibbi ekspertizası təyin edilib.
Amma iyunun 4-də R.Məmmədovanın anasını müayinəyə qəbul etmədikləri halda, təcavüzkar özü "ekspertizadan" keçib.
R.Məmmədova harasında xəsarət olduğunu göstərməsini istədikdə bu hicablı qadın üzünü bağlayaraq tələsik uzaqlaşıb.
R.Məmmədova fəal ictimai fəaliyyəti, məişət zorakılığından əziyyət çəkən qadınları müdafiə etməsi ilə məşhurdur. O, etiraz aksiyalarında iştirak etdiyinə görə dəfələrlə saxlanılıb.
Bu yaxınlarda məişət zorakılığından əziyyət çəkən qadınlar üçün tikiş evi açıb, onlar üçün iş və iqtisadi cəhətdən sərbəstlik əldə etmək imkanı yaradıb.
Mayın 30-da Beynəlxalq Feminizm Günündə Məmmədovanın təsis etdiyi "Sapla" tikiş evinin işçilərinin hazırladığı məhsulların sərgisi təşkil edilib.
Tədbir geniş rezonans doğurub və ictimai dəstəklə qarşılanıb. 06B
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz