Vəfa Nağı. Açiq mənbələrdən foto.
Bakı/23.07.20/Turan: Neftçala rayonunun Xol Qaraqaşlı kənd Bələdiyyə Şurasının üzvü Vəfa Nağıya qarşı diffamasiya ittihamı üzrə məsuliyyətə cəlb olunması tələbilə xüsusi ittiham qaydasında iddia irəli sürülüb.
İddianı Bələdiyyə Şurasının sədri Əlibala Səlimov, Mədəniyyət Evinin bədii rəhbəri İlham Hüseynov və Mədəniyyət Evinin işçisi Anar Abbasov qaldırıblar.
İyulun 22-də Neftçala Rayon Məhkəməsində bu iş üzrə hazırlıq iclası planlaşdırılıb. V.Nağıya bu barədə iyulun 21-də məlumat verildiyindən o, prosesi təxirə salmaq xahişi ilə məhkəməyə faks göndərib.
“İddia ərizələrində mənim Facebook-dakı statuslarıma istinadən deyilir ki, guya mən onların işgüzar reputasiyasına xələl gətirmişəm, onların ləyaqətini alçalmışam. Buna görə də mənim CM- in 147.1, 147.2 (böhtan) və 148-ci (təhqir) maddələrilə cinayət məsuliyyətinə cəlb olunmağımı tələb edirlər”, - fəal Turan-a bildirib.
O əmindir ki, təqib olunması üçün heç bir əsas yoxdur. “Bu yolla məni qorxutmaq, susdurmaq istəyirlər. Bu, Bələdiyyə Şurası rəhbərinin təşəbbüsüdür”, - V.Nağı bildirib.
O qeyd edib ki, Bələdiyyə Şurasının sədrindən bələdiyyə əmlakından istifadə haqda hesabatı tələb etdikdən sonra ona qarşı kampaniya başlayıb.
Bundan öncə 60 sakin Bələdiyyə Şurasının rəhbərinə müraciət edərək torpaq sahələrinin qanunsuz icarəyə verilməsi və bələdiyyə əmlakının mənimsənilməsi faktlarının araşdırılmasını tələb edib. 03İ06-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz