İctimai-siyasi qüvvələr ölkədə yaşanan böhranı müzakirə etdi

Ölkənin ictimai-siyasi qüvvələri, media mənsubları ölkədəki  böhran və ondan çıxış yolları ilə bağlı bazar günü Demokrat partiyasında dinləmələr keçiriblər.

Natiqlər də, elə ümumi ovqatın özü də bu məsələdə hökumətin məsuliyyətli odluğunu birmənalı ortaya qoyub. Onlara görə neftin dəyərdən düşməsi böhranın səbəblərindən yalnız biridir.Qalan ikiqat devalvasiya, ağılagəlməz qiymət artımı, ölkədəki bahalıq, korrupsiya, rüşvət və inhisar hökumətin yarıtmaz fəaliyyətindən irəli gəlib.

 “Vəziyyət hamıya aydındır, bu oğru, quldur hökumətin ölkənin varidatını talaması nəticəsində ağır böhran yaşanır, bundan çıxış yolu tapmaq lazımdır, tələblər hazırlanıb ortaya qoyulmalı və hökumətdən buna görə cavab istənilməlidir”-deyə təbiri giriş sözü ilə açan Xalq partiysının sədri Pənah Hüseyn qeyd edib.

Keçmiş Baş prokuror : Ölkədən çıxarılan pullar qaytarılmalıdır

AXC hakimiyyəti dönəmində baş prokuroru olmuş İxtiyar Şirin böhranın yaranmasına səbəb kimi milyardlarla vəsaitin ölkədən kənara çıxarılmasını göstərib. “Bu təkcə sosial-iqtisadi yox, həm də kriminal məsələdir.Odur ki, ilk növbədə qanunsuz olaraq xaricə çıxarılmış vəsaitləri ölkəyə qaytarmaq vacib şərtdir. Bunu araşdırmaq üçün  ictimai səlahiyyətli komissiya yaradılmalıdır”-deyə təklif səsləndirib.        İ.Şirinə görə, komissiya həmin vəsaitlərin harada yerləşdirirlməsini müəyyən etməlidir. Keçmiş prokuror hakimiyyətə xalqla hədə- qorxu dilində danışmamaq, insanlarla “dil” tapmaq tövssiyəsi də verib

ADP sədri S.Calaloğlu: Bu böranın 90%-i yarıtmaz siyasətə bağlıdır

“Bu böhranın 10 faizi neftin dəyərdən düşməsinə bağlıdır, qalan 90 faiz mövcud idarəetmənin nəticəsidir. Bu təkcə iqtisadi böhran deyil, həm də sistemiun böhranıdır və bunu yaradan hökumətin böhranı aradan qaldıra biləcəyi inandırıcı deyil. Bu gün hökumətin yox, bütün ölkənin taleyi masa üzərinə qoyulub”-Demokrat partiyasının sədri Sərdar Calaloğlu durumun ağırlığına işarə edib. Onun fikrincə, bu böhrandan  radikal islahatlarsız çıxmaq mümkün deyil. “Nəticələri Qərb ölkələri tərəfindən tanınan parlament seçkiləri keçirilməli, koalisyon hökumət qurulmalı və qanunvericilik dəyişdirilməlidir”-deyə S.Calaloğlu çıxış yolu kimi nəzərə çatdırıb. S.Calaloğluna görə, daha bir çıxış yolu müxalifətin hər hansı başqa məmurla yox,  məhz dövlət basçısı ilə bu məsələni müzakirə etməsidir

Əli Əliyev: Yolumuz mədəni dünyaya -Avropayadır
 

    “Müxalifət zamanında çox anlatdı ki,ölkədə durum pisliyə doğru gedir, hakimiyyət  bunu qulaq ardına vurdu. İndi isə vəziyyət göz qabağındadır. Müxalifət qüvvələri  bütün daxili umu- küsüləıri bir kəınara qoymalı, xalqı təşkilatlandırmalı, bu vəziyyətdən çıxış yolu tapmalıdır”-deyə Vətəndaş və İnkişaf partiyasının sədri Əli Əliyev müxalifəti xalq naminə birliyə çağrııb. O, dövlət başçısı İlham Əliyevin Davosda “Rusiya istərsə gəlib özəlləşmədə itşirak edə bilər” bəyanatına sərt təpki göstərərək bu bəyanatı ölkənin müstəqilliyinə təhlükə hesab edib. “Azərbaycan mədəni dünyaya, Avropaya tərəf getməli, əməkdaşlıq NATO ilə olmalıdır” deyə Ə..Əliyev mövqeyini ifadə edib.

İşçi Qrup yaradıldı

Dinləmələrin sonu olaraq  ölkənin problemlərinin daha geniş formatda müzakirəsi üçün İşçi Qrup yaradılması qərara alınıb. İşçi qrupun ilk iclası yanvarın 27-nə təyin edilib.

Bu günkü toplantıya Müsavat və Xalq Cəbhəsi partiyaları istisna olmaqla 12 siyasi partiya, ictimai-qurumlar və media mənsubları qatılıblar. İşçi Qrup  ölkə ictimaiyyətinə müraciət edərək daha geniş elektoratı əhatə etməyi də nəzərdə  tutur. –06D--