Açiq mənbələrdən foto.
Bakı/17.10.22/Turan: Oktyabrın 15-də gündüz İmişli rayonunun Bəhrəmtəpə kəndi yaxınlığında Araz çayı sahilində bir nəfər yerə basdırılmış bağlamanı götürərkən saxlanılıb.
Onun Ucar rayon sakini Taleh Həsənov (1982-ci ildə anadan olub) olduğu müəyyən edilib. Bağlamada 3 kiloqram 900 qram marixuana olub.
Oktyabrın 16-da axşam Biləsuvar rayonunda sərhədçilər İran tərəfindən iki sərhəd pozucusunu görüblər. Onlar dərhal geriyə qayıdıblar.
Əraziyə baxış zamanı böyük sürətlə hərəkət edən VAZ 2106 avtomobili görünüb və dayandırılıb. Avtomobildə Neftçala rayon sakinləri Yusif Həsənov və Tahir Tahirov olublar. Avtomobilə baxış zamanı 10 kiloqram 600 qram marixuana aşkar edilib.
Hər iki fakt üzrə araşdırma aparılır. Bu barədə Dövlət Sərhəd Xidməti və Baş Prokurorluğun birgə məlumatında deyilir. -0-
Cəmiyyət
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
Rəy yaz