Elçin Məmməd
Hüquq müdafiəçisi və jurnalist Elçin Məmməd ombudsmana müraciət edib
Bakı/17.10.22/Turan: Hüquq müdafiəçisi və jurnalist Elçin Məmməd Azərbaycan Respublikasının Ombudsmanı Səbinə Əliyevaya müraciət edib.
O bildirir ki, cəzadan şərti olaraq vaxtından əvvəl azad edilməyi barədə müraciətlərinə yerli məhkəmələr mənfi cavab verir.
“Artıq 2 il 7 aydır ki, günahsız yerə həbsdə olmağım azmış kimi belə hallar qanunsuz həbsimin uzanmasına səbəb olur. Bununla da fundamental hüquqlarım tapdanır və azadlıq hüququm pozulur. Yaşanan hər problem zamanı ailəmin sizə etdiyi müraciətlərə ancaq ümumi cavablar verilib. Həbs müddətində bir dəfə də olsun mənimlə görüşməmisiniz və əməkdaşlarınız mənimlə maraqlanmayıb. 20 ildən çoxdur ki, hüquq müdafiəçisi və jurnalist kimi fəaliyyət göstərmişəm, cəmiyyətdə kifayət qədər nüfuzum vardır. Mənə bu cür münasibət insan hüquqlarının müdafiəsində iştirak etmiş, ali təhsilli, 3 xarici dildə sərbəst danışan, yüzlərlə sosial layihələr icra etmiş və hər zaman potensialını dövlətimizin inkişafına sərf etməyə hazır olan şəxsə adekvat deyildir”, - daha sonra Məmməd davam edir.
Bütün bunlar, onun fikrincə, Azərbaycanın beynəlxalq nüfuzuna da xələl gətirir.
“Belə həssas məqamda hüquq müdafiəçisini vaxtından əvvəl azad etməkdə maraqlı olmamaq cənab prezidentin humanist siyasətinə də ziddir. Qanunsuz silahlı birləşmələrdə iştirsak etmiş xeyli sayda erməni humanistlik göstərilərək ölkələrinə təhvil verilib. Ötən ayda bir neçə erməni hərbiçisi Ali Məhkəmə tərəfindən humanizmlik göstərilərək cəzadan azad edilib. Bəs, bu əhəmiyyətli dərəcədə jestlər mənim üçün niyə edilmir? Ancaq mənə ağır hökm verilir, cəzanı yüngülləşdirilmir, aministiya aktı ağır cəza səbəbindən tətbiq edilmir, cəzadan şərti olaraq vaxtından əvvəl azad edilmirəm və şikayətlərimə baxılmır”, - daha sonra Məmməd vurqulayır.
O, ombudsmandan onun işinə diqqətlə yanaşmağı istəyir.
“Xahiş edirəm, ailəmə şablon cavablar göndərməyin, mənimlə şəxsən maraqlanın. Niyə şikayətlərimə bu cür münasibət sərgilənir, niyə məni azad etmək problemə dönüb? Mənimlə şəxsən görüşün və problemlərimi dinləyin, hunmanistliyi sözdə deyil, əməldə göstərin! Ən azından bunları xahiş etmək, biz vətəndaş kimi haqqımdır!”, - sonda Məmməd qeyd edir.
* "Sumqayıt Gənclərinin Hüquqi Maarifləndirilməsi" QHT-nin rəhbəri və "Yüksəliş Naminə" saytının redaktoru Elçin Məmməd 2020-ci ilin martında həbs olunub. Elə həmin il oktyabrın 17-də Sumqayıt Şəhər Məhkəməsi onu "oğurluq" və "qanunsuz döyüş sursatı və silah saxlamaq"da təqsirli bilərək, 4 il azadlıqdan məhrumetmə cəzasına məhkum edib.
Amnesty İnternational, PEN, FİACAT və digər beynəlxalq təşkilatlar Məmmədin həbsini pisləyib. Yerli hüquq müdafiəçiləri onu siyasi məhbus kimi tanıyıblar. —06D-
-
- Cəmiyyət
- 17 Oktyabr 2022 14:07
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz