9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
RF prezidentinin 24 aprel 2019-cu il tarixli fərmanı ilə Qələbə Günü münasibətilə illik pul ödənişi müəyyən edilib. Ödənişin məbləği 10 min rubl (107 dollar və ya 183 manat) təşkil edir. Federal ödənişlə yanaşı, regionlar öz regional ödənişlərini müəyyən etmək hüququna malikdirlər.
Ukraynada Almaniya ilə müharibənin veteranlarına ödənişlər barədə məlumat verilmir.
Gürcüstan hakimiyyəti faşizm üzərində qələbənin 79-cu ildönümü münasibətilə veteranlara iki min lari (746 dollara yaxın) ödəyib.
İkinci Dünya Müharibəsi iştirakçıları arasında ən çox pul mükafatını Qazaxıstanda alacaqlar. Ölkədə 148 veteran yaşayır. Birdəfəlik yardımın orta məbləği 1,7 milyon təngədir ki, bu da mayın 8-nə olan məzənnə üzrə $3,9 minə bərabərdir.
Özbəkistanda İkinci Dünya Müharibəsinin hər bir iştirakçısına və əlillərə respublika büdcəsinin hesabına 20 milyon sumdan çox vəsait ayrılıb ki, bu da mayın 8-nə olan məzənnə üzrə $1,6 min təşkil edir.
1 aprel 2024-cü il tarixinədək Qırğızıstanda 41 veteran yaşayır. Onların hər birinə 100 min som və ya mayın 8-nə olan məzənnə üzrə $1,1 min məbləğində birdəfəlik maddi yardım ayrılıb.
Tacikistanın paytaxtında veteranlara və əlillərə 10 min somoni ayrılacaq ki, bu da mayın 8-nə olan məzənnə üzrə $916-a bərabərdir. Soqdi vilayətində də müharibə iştirakçılarına yardım aylıracaq ki, bunun da ümumi məbləği təxminən $28 min dollar (306 min somoni) təşkil edəcək. Ölkədə 24 nəfər İkinci Dünya Müharibəsi iştirakçısı yaşayır.
Türkmənistanda hər veterana pul vəsaiti və 200 manatlıq qiymətli hədiyyələrin təqdim edilməsi planlaşdırılır ki, bu da təxminən $118-a yaxındır. 2018-ci ildən Türkmənistanda 9 may bayramı qeyd olunmur.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz