Bakı/14.06.18/Turan: İyunun 14-də Azərbaycanda 2018-2019-cu tədris ili üçün ali təhsil müəssisələrinə qəbul imtahanlarının yay mərhələsində iştirak etmək istəyən abituriyentlərin qeydiyyatı başa çatır.
Dövlət İmtahan Mərkəzinin saytında (www.dim.gov.az) yer alan məlumata görə, bu gün saat 15.00-a qədər I-IV ixtisas qrupları üzrə 56000 abituriyent (51667 Azərbaycan bölməsi, 4576 rus bölməsi) qeydiyyatdan keçib. Onların 21000-i I ixtisas qrupunu, 14460 nəfəri II ixtisas qrupunu, 16377 nəfəri III ixtisas qrupunu, 4474 nəfəri IV ixtisas qrupunu seçib.
Əvvəlki illərdə olduğu kimi, proses elektron formada həyata keçirilir. Abituriyentlər eservices.dim.gov.az/erizebak/erize səhifəsində öz login və şifrələrini yazaraq qeydiyyatdan keçməlidirlər. Bu imtahanlarda iştirak etmək üçün onlar "Şəxsi kabinet"də öz hesablarını doldurmalıdırlar.
Qrafikə əsasən, imtahanlar I və IV ixtisas qrupları üzrə iyulun 18-də, II və III qruplar üzrə iyulun 26-da, V qrup üzrə iyulun 10-da keçiriləcək.
Maraqlı bir məqam var - yay imtahanlarına hazırlaşan 54587 abituriyent yaz imtahanlarında iştirak ediblər. Bundan başqa, abituriyentlərin ümumi sayının 46 mindən çoxu ərizələrində alternativ variant kimi V ixtisas qrupunu, 54 min nəfər isə kollecləri qeyd ediblər. Beləliklə, onlar iki müsabiqədə iştirak edə biləcəklər.
Amma DİM-in mətbuat xidmətindən Turan-a verilən məlumata görə, daha çox abituriyentə qarşıda duran imtahanlarda iştirak etmək, öz göstəricilərini yaxşılaşdırmaq və ali məktəblərə qəbul olunmaq şansını artırmaq imkanı vermək üçün yay imtahanı üçün qeydiyyat veb-səhifəsi iyunun 20-si saat 10.00-a qədər açıq olacaq. Qeydiyyat müddətinin uzadıldığını nəzərə alsaq, iyul imtahanlarında təxminən 60 min namizəd iştirak edə biləcək.
Xatırladaq ki, qəbul kampaniyasının yaz mərhələsində qeydiyyatdan keçmiş 70 minə yaxın namizəddən 68356 nəfər imtahanlarda iştirak edib. Ən çox iştirak I və III qruplar üzrə imtahanlarda olub ki, bu da gənclərin texniki və humanitar ixtisaslara böyük marağını səciyyələndirir. Nəticələrə əsasən 10 abituriyent: I qrup üzrə 2 nəfər, II qrup üzrə 2 nəfər, III qrup üzrə 5 nəfər, IV qrup üzrə 1 nəfər maksimum - 700 bal yığıb. -0-
Cəmiyyət
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Yanvarın 15-də Məktəbəqədər və Ümumi Təhsil üzrə Dövlət Agentliyi bildirib ki, təhsilalanların tədris proosesi zamanı xüsusi hallar istisna olmaqla, telefon və digər ağıllı cihazlardan istifadəsi qadağan olunub.
Rəy yaz